WAZIRI WA NISHATI NA MADINI ATOA SOMO MWANZA

Prof. Sospeter Muhongo

WAZIRI wa Nishati na Madini Prof. Sospeter Muhongo ametoa somo kwa wananchi wa Mkoa wa Mwanza pamoja na kuwa na rasilimali nyingi ikiwemo maji, madini na ardhi yenye rutuba lakini Jiji la Mwanza bado limetajwa kuendelea kuwa tegemezi na watu wake kuendelea kuwa masikini.

Akizungumza na wadau wa sekta ya Madini na Umeme katika ukumbi wa Halmashauri ya Jiji la Mwanza leo amesema amesikitishwa na kitendo cha watu kupoteza muda mwingi kwenye mambo yasiyo na maana ikiwemo kukesha kwenye malumbano ya kisiasa badala ya kufanya shughuli za uzalishaji mali kwa manufaa ya kujiongezea kipato na kusaidia kukuza uchumi wa Taifa.  
Msikilize kwa Kubofya play...

Kusanyiko la wadau wa sekta ya Madini na Umeme katika ukumbi wa Halmashauri ya Jiji la Mwanza leo.

Waziri huyo amewataka wananchi pia kuhakikisha wanaimarisha ulinzi kwenye miundombinu ya shirika la umeme (TANESCO) isihujumiwe na watu ambao hawapendi maendeleo na wasiotambua umuhimu wa nishati ya umeme kwa kuachia wizi wa mafuta ya Transfoma na nyaya za umeme kwenye maeneo yao kisha kuanza kulalamikia TANESCO jambo ambalo linaonyesha jinsi watu walivyo kosa uzalendo.

Ameeleza kuwa serikali pia imeanzisha utaratibu wa kugharamia miundombinu ya kuwafikishia umeme wateja wake kwa miradi inayopata ruzuku kutoka Mfuko wa Nishati Vijijini (REF) na mpango huo utapunguza gharama za kuunganisha umeme kwa wastani wa asilimia 80 kulingana na idadi ya nguzo na mfumo utakaotumika huku idadi ya awali ya wateja watakaofaidika watakao unganishiwa na umeme kupitia mpango huo kuwa 100,000 nchi nzima.

“Kupitia mradi huu Halmashauri zihakikishe zinashirikiana na wananchi kuunganisha umeme kwenye shule za sekondari za kata kutokana na unafuu wa gharama hizi ambapo shule yenye  madarasa nane gharama yake ni shilingi milioni 4, Bweni milioni 14 na vituo vya afya milioni 12 hivyo amewashauri madiwani kutenga fedha kuweka umeme kwenye shule hizo badala ya kusubili serikali kuwafanyia” alisema.

Ramani ya Mradi wa uzalishaji umeme wa gesi asili kutoka Mnazi Bay Mtwara na Songo Songo  hadi Dar es salaam wa  bomba la urefu wa kilomita 532 utakaogharimu kiasi cha dola 1,2253 ukikamilika ndani ya miezi 18 chini ya ufadhili wa nchi ya China.

Ramani na maainisho ya sehemu  mbalimbali za vijiji hapa nchini ikionyesha miundombinu ya kuwafikishia umeme wateja wake kwa miradi inayopata ruzuku kutoka Mfuko wa Nishati Vijijini (REF)

Mchangiaji..

Mswali na uchangiaji nao ulikuwemo.

Kuhusu wachimbaji wadogo wa madini Waziri wa Nishati na Madini Prof. Sospeter Muhongo amesema kuwa serikali imeamua kuwa ni lazima  wachimbaji hao kuchimba kisasa na haiwezekani kuendelea na uchimbaji wa nyenzo duni na itahakikisha wachimbaji hao wanalipa kodi huku serikali imetenga kiasi cha bilioni 8.9 kwa ajili ya kuwawezesha wachimbaji wadogo kupata vifaa vya kisasa,kuwatafutia masoko ya uhakika na kuwapatia leseni za uchimbaji.
Msikilize kwa Kubofya play...

Tupe maoni yako