HALMASHAURI YA UKEREWE YASHINDWA KUBORESHA MIUNDOMBINU YA MARABARA

NA PETER BABIAN, UKEREWE. 

KATIBU wa Chama cha Mapinduzi (CCM) Mkoa wa Mwanza, Miraji Mtaturu, amesikitishwa na uongozi wa Halmashauri ya Wilaya ya Ukerewe kushindwa kukarabati barabara maeneo mbalimbali na kuwa katika hali mbaya yakutopitika kirahisi na kuwa kero kwa wananchi. 

Mtaturu alisema hayo kwa nyakati tofauti kwa wananchi wa kisiwa cha Irugwa na Ukara alipowahutubia kwenye mikutano ya hadhara alipofanya ziara kujiaonea utekelezaji wa Ilani na maandalizi ya ziara ya Katibu Mkuu wa CCM taifa, Abdulahaman Kinana, anayetarajia kuanza Juni 22 mwaka huu mkoani Mwanza. 

Katibu huyo akiwa kisiwa cha Irugwa aliwaeleza wananchi kuwa, Mbunge wa Jimbo la Ukerewe, Salvatory Machemuli (CHADEMA) hajatekeleza ipasavyo majukumu yake ya kuwawakirisha wananchi pamoja Halmashauri ya Wilaya kuwa chini ya Chama cha Demokrasia na Maendeleo mambo yote hayaendi na hali ya maendeleo imekuwa mbaya na kurudi nyuma.

 “Barabara za Ukerewe tangu aliyekuwa Mbunge wa Jimbo hilo mwaka 2005 hadi 2010, Getruda Mongela alisimamia na kupigania uboreshwaji wa barabara za Ukerewe na visiwa vya Irugwa na Ukara kupitia mfuko wa barabara waliopo wameshindwa hata kuendelea kuziboresha na sasa hazipitiki kirahisi na zingine zimeharibika vibaya na hazipitiki kabisa, hawawezi kazi lililopo ni kuwanyima kura ili kuwatoa,”alisema. 

Aidha tangu aliposhindwa na hawa wawakirishi wa Chadema ambapo alipata ubunge wa Jimbo kama aliokota pochi ya fedha ambayo imemchanganya na kushindwa kabisa kuwa mawakirishi wa wananchi wa kupigania maendeleo na haata Halmashauri iliyo chini ya Chadema nayo imeshindwa kutekeleza yale waliyoyaahidi kwa wananchi hivyo Oktoba mwaka huu muwaondoshe kwa kuwanyima kura . 

Mtaturu alisema kuwa katika barabara zilizo na hali mbaya ni ile ya Nansio- Kitale, Nansio – Mrutunguru hadi Irangala, Nansio – Rugezi, Nansio –Nakamwa na zile za visiwa vya Irugwa na Ukara jambo ambalo hata mwenyekiti wa Halmashauri ya Wilaya hiyo, ameshindwa hata kusimamia za eneo la Kata yake katika kisiwa cha Ukara hivyo hana uwezo wa kuongoza na kusimamia maendeleo ya wananchi,”alisisitiza.

 Katibu huyo alipata fursa ya kutembelea Zahanati ya kijiji cha Irugwa ambayo inaboreshwa kwa kupanuliwa kuwa Kituo cha Afya cha Kata ya Irugwa kwa kujengwa jengo la wodi ya wanaume na mama na mtoto ili kusaidia kupatikana huduma na kulazwa waagonjwa kabla ya kupewa rufaa ya kupelekwa Haospitali ya Wilaya iliyo na umbali wa zaidi ya km 90 kutoka kisiwani humo. 

“Nachangia laki tatu katika ujenzi huu, lakini tutakuja na Katibu Mkuu wa CCM Taifa, Kinana, hapa ili kujionea utekelezaji wa Ilani ambayo inaelekeza kupatikana kwa huduma za msingi kwa wananchi ikiwemo sekta hii ya Afya na Elimu ambapo ujenzi wa Maabara wa sekondari ya Kata ya Irugwa uko katika hatua ya kupauliwa pamoja na kukabiliwa na changamoto ya vifaa vya ujenzi pia kuwepo kwa majengo mapya ya Kituo cha Polisi na Mahakama kutasaidia kupunguza uharifu na wananchi wafanye shughuli zao za masendeleo kwa amani,"alisema.

 Akiwa Kisiwa cha Ukara, Katibu Mtaturu aliwataka wananchi kujitokeza kwa wingi kujiandikisha katika daftari la kudumu la wapiga kura ili kuhakikisha wanatumia fursa ya kuwachagua wawakirishi walio bora na wenye lengo la dhati la kuwatumikia kuwaretea maendelea badala ya kuwachagua watu wanao wagawa wakati wa kuwatumikia na wengine kutokuwa na uwezo wa kuwaretea maendeleo. 

“Wananchi acheni kuwachagua watu kwa majaribio kwani wengi wao ni wabinafisi kulingana na sera na misimamo ya vyama vyao hivyo ni bora mkachagua viongozi wanaotokana na CCM kwani wanazo anuani na mahali pa kufikisha kero zenu ambazo hutekelezwa kwa kuwashirikisha wananchi kuchangia miradi ya maendeleo kwenye maeneo yenu,”alisisitiza. 

Mtaturu aliwatupia lawama Mbunge Machemuli na Mwenyekiti wa Halmashauri ya Wilaya hiyo, Joseph Mkundi, kwa kushindwa kwao kusimami na kuboresha barabara za kisiwa cha Ukara za Bwisha – Kome, Bwisha –Nyamanga, Bwisha –Bukungu, Bwisha-Itale, Bwisha –Malelema na Bwisha hadi Chibasi pamoja na zile za kisiwa kikubwa cha Ukerewe kilicho na Makao makuu ya Wilayaa hiyo.

Tupe maoni yako