NI IGUNGA WILAYA YA MFANO KATIKA MAPINDUZI YA ZAO LA PAMBA MSIMU HUU WA KILIMO.

WAKULIMA KUPIGWA MSASA JUU YA UVUNAJI PAMBA.

Na Albert G. Sengo,Igunga

Mkuu wa wilaya ya Igunga John Mwaipopo amesema kuwa halmashauri yake kushirikiana na bodi ya Pamba nchini (TCB) mnamo mwezi Machi watatoa semina elekezi ya uvunaji wa zao la Pamba ili kupata stahiki katika ubora.

Mwaipopo ametanabaisha hayo mbele ya wandishi wa habari waliofanya ziara wilayani mwake kujioneo yanayojiri.

“Kumekuwa na changamoto kubwa sana nyakati za mavuno, kwa wakulima wa wilaya yangu kuchuma Pamba pamoja na mashina yake, kitendo ambacho hakikubaliki kwani huondoa sifa ya ubora wa zao hilo katika soko la dunia”

Ameongeza kuwa kupitia kampeni ya kuhamasisha kilimo cha Pamba waliyoifanya na mkuu wa mkoa wa Tabora Aggrey Wandry imeweza kuongeza idadi ya wakulima wa zao hilo wanaotoka ndani na nje ya wilaya, kiasi kwamba hata wananchi wa mikoa ya mbali nao wamemiminika kukodisha mashamba na kufanya kilimo cha ‘Dhahabu nyeupe’.

“Sisi Igunga bado tuna ardhi kubwa sana wananchi wetu wanalima hapa lakini bado tunawakaribisha wananchi kutoka maeneo mengine, ninazo taarifa kuna wakulima hapa wametoka mpaka Dar es salaam na maeneo mengine wao wamekuja kwakuwa wameiona fursa na kuichangamkia”

“Kwa miaka miwili hii kumekuwa na mwanga mkubwa wa mafanikio na kuona wapi tunaelekea, mfano Mwaka jana tulipata kilogramu milioni kumi la laki saba na mwaka mmoja kabla yaani mwaka juzi tulipata kilogramu milioni 11 hiyo ni kwasababu mwaka jana kumekuwa na hali ya ukame unao shindana mwaka hadi  mwaka, sasa kwa hali ilivyo sasa nikimaanisha mvua za kutosha, hamasa ya wakulima wengi kujitokeza naiona Igunga ikipaa na kuishangaza nchi katika mavuno” Aliongeza Mwaipopo.

Kwa mujibu wa Mwaipopo mpaka sasa wilayani Igunga kuna kata 17 na vijiji 54 vinalima zao la Pamba.

Kwa upande wake mkaguzi mwandamizi wa zao la Pamba wilayani hapa George Kihimbi amesema kuwa uhamasishaji mkubwa uliofanywa kwa msimu wa kilimo 2017-2018, wamedhamiria kulima jumla ya hekari 110,000.

Katika hatua nyingine licha ya kuipongeza Serikali kwa kuwapatia mbegu na madawa kwa wakati pia ameiomba Serikali/Bodi ya Pamba, kupitia maafisa wake na mawakala kurejea tena kwenye maeneo hayo na kuwaongezea dawa kwani daadhi yao walikiuka masharti na kulazimika kuzigawa na kuzielekeza dawa za awali kwenye mahindi ili kuyanusuru na wadudu waharibifu waliolivamia zao hilo.

“Mwaka huu tunategemea kuzalisha Tani laki 6 tofauti na Mwaka jana ambapo zilipatikana Tani laki 130,000 ambazo pia tuliona zimeongezeka tofauti na miaka iliyotangulia”  Alisema Kihimbi. 

Kwa mujibu wa Bodi ya Pamba nchini Tanzania jumla ya  hekari milioni 1.5 tayari zimeshalimwa pamba tofauti na msimu uliopita ambapo ni hekari laki 6na59 elfu ndizo zilizolimwa zao hilo. 

KUHUSU FURSA MBALIMBALI ZITAKAZOPATIKANA WILAYANI HUMO MARA BAADA YA ZAO HILO KUSHAMIRI NA IWAPO WAWEKEZAJI WATASIMIKA VIWANDA, FUATILIA SIMULIZI KUPITIA VIDEO HAPO JUU.

AKSANTE.

Tupe maoni yako