RAIS SAMIA AFANYA KWELI KIBAHA TC ATOA PIKIPIKI 37 KWA MAAFISA UGANI

 
NA VICTOR MASANGU, KIBAHA

 

Halmashauri ya Kibaha mji imepokea jumla ya pikipiki zipatazo  37 kutoka serikalini kupitia Wizara ya kilimo kwa lengo la  kuwawezesha maafisa ugani wa kilimo kutoka kata zote 14 kwa ajili ya  kuwawezesha kutekeleza majukumu yao kwa weledi na  ufanisi zaidi katika suala la kuwahudumia wakulima na kuleta matokeo chanya katika sekta ya kilimo.

Hayo yamebainishwa na Mkuu wa Wilaya ya Kibaha  Nickson John  wakati wa halfa ya kukabidhi pikipiki hizo 37 kwa maafisa ugani hao na kuwatka kuhahakikisha kwamba wanaweka misingi ya kuwa na mikakati kabambe katika kuwa  na  kilimo cha kisasana chenye kuleta tija kwa wakulima.

Mkuu huyo alisema kwamba lengo kubwa la serikali ni kuhakikisha wanaendekea na kufanya juhudi za hali na mali za kuhakikisha inaendelea kuwasajili wakulima wote waweze katika mfumo ambao unatambulika ikiwemo sambamba na kuwapatia pembejeo za kilimo ambazo zitaweza kuwasaidia katika utekelezaji wa majukumu yao.

"Tunapenda kumshukuru kwa dhati Rais wetu wa awamu ya sita Dkt. Samia Suluhu Hassan kwa kuweza kuongeza bajeti katika sekta ya kilimo pamoja na kutoa vitendea kazi hivi amabvyo ni boda boda 37 kwa maafisa ugani kwa lengo la kuweza kuongeza ufanisi na tija  zaidi katika suala zima la kuwahudumia wakulima waweze kuwa na kilimochenye tija katika maeneo yao,"alisema Simon.

Aidha Mkuu huyo wa Wilaya amebainisha kwamba nia kubwa ya serikali ni kushiikiana bega kwa bega na maafisa ugani katika kuweka mippango endelevu ya kufanya kilimo cha kisasa ambacho kitakuwa ni mkombozi mkubwa kwa wakulima pamoja na wananchi kwa ujumla katika sekta ya kilimo.

Katika hatua nyingine amewaagiza maafisa ugani pamoja na wataalamu wakilimokuhakikisha kwamba wanazitumia vizuri pikipiki hizo kwa kuwafikia walengwa ambao ni wakulima na kwamba dhima kubwa ya serikali ni kuona  kunatokea mabadiliko  zaidi katika maeneo mbali mbali ya Kibaha mji.

 

Pia Mkuu huyo amemshukuru kwa dhati Rais wa awamu ya sita Dkt. Samia Suluhu Hassan kwa kuwezeha vyombo hivyo vya usafiri ambavyo vitaweza kusaidia kwa kiasi kikubwa kutimiza majukumu ya maafisi ugavi hao  ikiwemo pamoja na kuongeza kiwango cha mapato.

Kwa upande wake Mkurugenzi mtendaji wa Halmashauri ya Kibaha mji Dkt. Rogers Shemwelekwa amebainisha kwamba kwa sasa kuna jumla ya watumishi wa ugani wa kilimo wapatao 41 ambao wanatoa ushauri wa ugani kwa wakulima 7, 528 katika mitaa yote  73 kutoka kata 14.

Pia mkurugezni huyo amebainisha kwamba  kwa sasa halmashauri ya mji Kibaha lina eneo linalofaa kwa kilimo lenye ukumbwa wa wastani wa Hekta zipatazo 7, 750 na kwamba wakulima 3,600 tayari wameorodheshwa katika mfumo wa mbolea na mbegu  za ruzuku katika msimu kwa mwaka 2024/2025 na wanapata mbolea na mbegu za ruzuku.

Pia amesema kuwa Halmashauri ya mji Kibaha kuna fusa mbali mbali na kwamba kuna wakulima wapatao  191 wa zao la korosho  wamefaanikiwa kupata  ruzuku kwa ajili ya zao hilo, ambapo pia wakulima wapatao 6, 709 ni wale wa mbogamboga , na wakulima 628 ni wa mazao ya matunda.

Nao baadhi ya maafisa Ugani katika Halmashauri ya Kibaha mji wamempongeza Rais wa awamu ya sita Dkt. Samia Suluhu Hassan kwa kuweza kuwawezesha vitendea kazi hivyo vya pikipiki zipatazo 37 ambazo zitaweza kuwasaidia katika suala zima la utekelezaji wa majukumu yao ya kuwahudumia wakulima katika maeneo yao.

Wamebainisha kwamba hapo awali walikuwa wanakabiliwa na changamoto kubwa ya usafiri na kupelekea kushindwa kufika kwa urahisi kwa wakulima lakini kwa sasa wataweza kufanya kazi zao kwa uafanisi mkubwa na kuwafikia  wakulima wao kwa urahisi na kutekeleza maelekezo ya serikali ya kuwahudumia wakulima na kuwa na kilimo chenye tija.

YANGA YAFUNGA DIRISHA DOGO KWA USAJILI WA JONATHAN IKANGALOMBO KAPELA.

 KLABU ya Yanga imemtambulisha winga wa kulia, Jonathan Ikangalombo Kapela kutoka AS Vita Club ya kwao, Kinshasa, Jamhuri ya Kidemokrasia ya Kongo (DRC) kuwa mchezaji wake mpya wa pili dirisha hili dogo.

Anamfuatia beki wa kulia, Israel Patrick Mwenda anayeweza kucheza kama winga wa kulia pia na kiungo, aliyesajiliwa kwa mkopo wa hadi mwisho wa msimu kutoka Singida Black Stars.

SIMBA KUIKABILI CS CONSTANTINE UWANJA MTUPU BILA MASHABIKI

SHIRIKISHO la Soka Afrika (CAF) limeifingia klabu ya Simba kuingiza watazamaji katika mechi zake mbili za Kombe la Shirikisho Afrika baada ya vurugu zilizotokea kwenye mechi dhidi ya CS Sfaxien ya Tunisia Desemba 15, 2024 Uwanja wa Benjamin Mkapa Jijini Dar es Salaam.

Siku hiyo, Simba SC ilitoka nyuma na kushinda 2-1 kabla ya vurumai kuibuka na mashabiki wake kushambuliana na mashabiki wa wageni kwa kurushiana viti walivyokuwa wanang’oa uwanjani.

Maana yake Simba hawatakuwa na watazamaji katika mchezo wao wa mwisho wa Kundi A Kombe la Shirikisho dhidi ya CS Constantine Jumapili.

MSIGWA ALIONEWA CHADEMA NDIYO AKAAMUA KUTIAMKIA CCM

 NA ALBERT G.SENGO

Aliyekuwa Mwenyekiti wa Chama cha Demokrasia na Maendeleo (Chadema) Kanda ya Kaskazini, Godbless Lema ameyasema hayo wakati akizungumza na waandishi wa habari jijini Dar es Salaam leo Jumanne, Januari 14, 2025.

LEMA AMTEMA MBOWE HADHARANI AMSHAURI KUPUMZIKA NA KUMWACHIA LISSU UENYEKITI.

 NA ALBERT G.SENGO

Aliyekuwa Mwenyekiti wa Chama cha Demokrasia na Maendeleo (Chadema) Kanda ya Kaskazini, Godbless Lema amemshauri mwenyekiti wa chama hicho Taifa, Freeman Mbowe kusikiliza ushauri wa familia yake wa kumtaka kutogombea tena nafasi hiyo. Akizungumza na waandishi wa habari jijini Dar es Salaam mapema hii leo Jumanne, Januari 14, 2025 Lema amesema anamheshimu Mbowe kutokana na kazi kubwa ya kukijenga chama hicho, lakini kwa sasa asikilize zaidi ushauri wa familia yake. Lema amesema Mbowe mara kadhaa amekuwa na nia ya kupumzika na kuwaachia nguvu mpya vijana kuendeleza mapambano, lakini watu wanaoitwa wanachama wamekuwa wakimshauri kuendelea kuwa mwenyekiti.

HAJI MANARA AJA NA MSEMO MPYA MECHI YA YANGA SC NA MC ALGER /NO RETREAT, NO SURRENDER

 

VIONGOZI KUTOKA CHATO WAFANYA ZIARA YA MAFUNZO TFS - SHAMBA LA MITI SAOHILL

 

Mkuu wa Wilaya ya Mufindi Mhe. Dkt Linda amewapongeza kwa kuchagua kuja kutembelea na kujifunza kuhusu uhifadhi wa misitu utunzaji mazingira na ukusanyaji wa mapato katika Wilaya ya Mufindi kwani ni eneo sahihi kwao. Salekwa 

Viongozi mbalimbali kutoka Halmashauri ya Chato wakipa elimu ya uhifadhi wa miti na faida zake kutoka shamba la miti Sao Hill

Viongozi mbalimbali kutoka Halmashauri ya Chato wakipa elimu ya uhifadhi wa miti na faida zake kutoka shamba la miti Sao Hill

Na Fredy Mgunda, Iringa.

VIONGOZI kutoka Halmashauri ya Wilaya ya Chato Mkoani Geita wakiongozwa na Mkuu wa Wilaya ya Chato Mhe. Peter Bura, Katibu Tawala wa Wilaya pamoja na madiwani wa halmashauri hiyo wamefanya ziara ya mafunzo  Shamba la Miti Saohill lililopo Wilayani  Mufindi Mkoa wa Iringa.

Akizungumsha wakati wa ukaribisho wa Viongozi hao Mkuu wa Wilaya ya Mufindi Mhe. Dkt Linda Salekwa amewapongeza kwa kuchagua kuja kutembelea na kujifunza kuhusu uhifadhi wa misitu utunzaji mazingira na ukusanyaji wa mapato katika Wilaya ya Mufindi kwani ni eneo sahihi kwao.

"Tunapozungumza habari ya uhifadhi wa  misitu, na ukusanyaji wa mapato ya halmashauri na serikali kwa ujumla, Wilaya ya Mufindi imepiga hatua kubwa sana na hii inatokana na uwepo wa Shamba la Miti la serikali la Saohill" Amesema Dkt. Linda Salekwa

Ameongeza kuwa kupitia elimu inayotolewa na wahifadhi kuhusu utunzaji wa mazingira kwa kupanda miti imechangia uwepo wa rasilimali kubwa ya misitu hali iliyopelekea kuwepo kwa viwanda vingi vinavyochakata mazao ya misitu  na hivyo kuongeza pato la mwananchi mmojammoja  na taifa na hii ni kutokana na uuzaji na  ushuru unaokusanywa kupitia mazao ya misitu.

Kwa upande wake Mkuu wa Wilaya ya Chato Mhe. Peter Bura amesema kuwa lengo la ziara hiyo ni kujifunza ni kwa namna gani Wilaya ya Mufindi kupitia Shamba la Miti Saohill wamefanikiwa  katika uhifadhi wa misitu na ukusanyaji wa mapato ili nao waweze kuona ni hatua gani watazichukua katika kufanikisha hilo katika Wilaya ya Chato.

"Katika Wilaya ya Chato tunalo Shamba la Miti Silayo hivyo tumekuja kujifunza ni kwa namna gani wenzetu wa Mufindi wananufaika vipi kimazingira na kimapato ili na sisi kupitia Shamba la Miti Silayo tuone namna tutakavyoshirikiana na TFS katika kuleta tija  wilayani kwetu kupitia Shamba lile" Amesema Mkuu wa Wilaya ya Chato

Kwa upande wake Mhifadhi Mkuu wa Shamba la Miti Saohill PCO Tebby Yoramu amesema kuwa Shamba limefanikiwa kufika hatua iliyopo kwa sasa kutokana na kuwepo kwa programu mbalimbali zinazolenga kujenga mahusiano mazuri na jamii zinazolizunguka shamba ikiwemo kutoa ajira za kutwa kwa wananchi, elimu ya uhifadhi pamoja na kusaidia shughuli za maendeleo katika sekta ya elimu, afya na miondombinu ya barabara hali inayopelekea kuwepo kwa uhusiano chanya baina ya shamba, taasisi na wananchi.

Katika ziara hiyo Viongozi kutoka Halmashauri ya Wilaya ya Chato waliweza kujifunza juu ya shughuli mbalimbali za ufugaji nyuki, uzalishaji wa miche katika bustani, pamoja na shughuli za uvunaji wa utomvu katika misitu ya kupandwa.

AWESU AWESU NA KIBU DENIS WAKIZUNGUMZIA NAMNA WAMEJIANDAA KUWAKABILI BRAVOS

 

Kamwe asema Yanga yaweza kumaliza kinara kwenye kundi lao

 “Sisi tunaweza kumaliza pia tukiwa kinara kwenye hili kundi” maneno ya Meneja Habari na Mawasiliano wa Yanga SC, Ally Kamwe akilichambua kwa undani kundi lao kwenye michuano ya Ligi ya Mabingwa Afrika (CAFCL).

Kamwe pia ameuchambua mchezo wao wa leo dhidi ya Al Hilal huku akimtaja Kocha Florent Ibenge. Kamwe amesema wachezaji wa Yanga wanaogelea pesa kutokana na motisha ambayo amekuwa akiitoa Mfadhili na Mdhamini wao Ghalib Said Mohamed (GSM) #YangaSafarini #YangaMauritania #AlHilal #YangaSC #AlHilalYanga #CAFCL #CAFChampionsLeague

SERIKALI YASISITIZA UMUHIMU WA MAFUNZO YA UFUATILIAJI NA TATHIMINI KWA MAENDELEO YA MIRADI YA SERIKALI

 

Serikali kupitia Ofisi ya Waziri Mkuu (Sera, Bunge na Uratibu) imezitaka halmashauri, taasisi, na wadau mbalimbali wanaonufaika na mafunzo ya ufuatiliaji na tathmini kutumia vyema fursa hizo. Imepongeza ushirikiano uliopo baina ya Chuo Kikuu Huria cha Tanzania, ambacho kimeendelea kutoa mafunzo wakishirikiana na Ofisi ya Waziri Mkuu ili kuongeza ufanisi wa kufuatilia na kusimamia maendeleo ya miradi ya serikali.

Kauli hiyo imetolewa leo Januari 10, 2024, na Mkurugenzi Msaidizi wa Idara ya Ufuatiliaji na Tathmini kutoka Ofisi ya Waziri Mkuu, Sera, Bunge, na Uratibu, John Bosco Quman, wakati wa kufunga mafunzo ya uelewa kwa watumishi wa serikali ngazi ya halmashauri. Quman amehimiza washiriki kushiriki kikamilifu hatua zote tatu za mafunzo ili kuimarisha usimamizi na utekelezaji wa miradi ya maendeleo.

Aidha amekipongeza Chuo Kikuu Huria cha Tanzania, Quman amesema chuo hicho kimefanya kazi nzuri katika kutoa mafunzo ya ufuatiliaji na tathmini, bila malalamiko yoyote kuhusu utekelezaji wa mpango huo unaosimamiwa na serikali kupitia Ofisi ya Waziri Mkuu.

Kwa upande wake, mwezeshaji wa mafunzo hayo kutoka Chuo Kikuu Huria, amesema mpango huo unalenga kuwajengea uwezo wafanyakazi wa serikali. Hadi sasa, mikoa yote nchini  imefaidika na mafunzo hayo katika ngazi ya kwanza. Ameongeza kuwa washiriki 67 kutoka halmashauri mbalimbali wamepata maarifa ya kutafsiri miongozo, kusimamia utekelezaji wa miradi, na kuandaa miongozo inayosaidia kutatua changamoto za kijamii katika mafunzo yaliyotolewa Mkoani Morogoro .

Naye, Caroline Marila, mshiriki wa mafunzo kutoka Halmashauri ya Wilaya ya Buchosa, amesema mafunzo hayo yataboresha utekelezaji wa miradi ya serikali na usimamizi wa rasilimali fedha, hivyo kuleta mabadiliko chanya katika utoaji wa huduma kwa jamii.

Mafunzo haya, yaliyoanzishwa na serikali kupitia Chuo Kikuu Huria cha Tanzania, yalianza mwaka 2024 kwa lengo  la kuwajengea uwezo watumishi wa umma katika kufuatilia na kutathmini miradi ya maendeleo ili kuongeza uwajibikaji na ufanisi wa matumizi ya rasilimali.

HIVI NDIVYO SERIKALI YA TANZANIA ILIVYOJIPANGA KUWA NA UMEME WA UHAKIKA BEI NAFUU.

 NA ALBERT G. SENGO

Naibu Waziri Mkuu na Waziri wa Nishati, Mhe. Dkt. Doto Biteko Januari 10, 2025 amesema kuwa ukuaji wa uchumi wa nchi yoyote unategemea upatikanaji wa nishati ya uhakika na yenye gharama nafuu. “Kwa nchi yoyote inayotaka kukua kwa kiasi kikubwa inategemea Nishati inayopatikana kwa hakika na yenye bei nafuu, Bila nishati ya gharama nafuu, uchumi utabadilika na bidhaa zitazalishwa kwa gharama kubwa zaidi,” amesema Dkt. Biteko. Dkt. Biteko amesisitiza kuwa serikali imejipanga kuhakikisha umeme wa uhakika unapatikana kwa gharama nafuu ili kuchochea Maendeleo ya kiuchumi na kuboresha maisha ya wananchi. #samiasuluhuhassan #naibuwazirimkuu

NYAMKA ATEMA CHECHE KWA WENYEVITI WAPYA SERIKALI ZA MITAA KATA YA PANGANI

 

NA VICTOR MASANGU, KIBAHA

Mwenyekiti wa chama cha mapinduzi (CCM) Mwalimu Mwajuma Nyamka  amewataka wenyeviti wote wa serikali za mitaa kupitia tiketi ya CCM ambao wamechaguliwa kwa kishindo katika uchaguzi wa serikali za mitaa uliofanyika Novemba 27 mwaka huu kutumia madaraka yao vizuri na  kufanya kazi kwa weledi na  kuwatumikia wananchi kwa  kusikiliza kero na chanagmoto zinazowakabili ili  kuzitafutia ufumbuzi katika maeneo yao.

Nyamka ameyasema hayo  wakati wa halfa fupi ya kuwapongeza wenyeviti wa serikali za mitaa iliyofanyika katika mtaa wa Vikawe Shule kupitia tiketi ya CCM waliopo  katika kata ya Pangani Halmasahuri Kibaha mjini   ambao wameweza kuibuka ushindi wa kishindo na kufanikiwa kuichukua mitaa yote nane iliyopo ndani ya kata ya Pangani.

Nyamka alisema kwamba kwa sasa wenyeviti wa serikali za mitaa ambao wamechaguliwa wanapaswa kutambua kwamba wamechaguliwa kupitia tiketi  ya cahama cha mapinduzi (CCM) hivyo wanawajibu mkubwa wa kuhakikisha kwamba wanatekeleza majukumu yao ipasavyo kwa kutekeleza ilani ya chama ikiwa pamoja na kuwatumikia wananchi kwa  kuwaletea kasi ya maendeleo na sio vinginevyo.

Aidha Nyamka aliwapongeza kwa dhati wenyeviti wote kutoka mitaa yote nane  iliyopo katika Kata ya Pangani na kuwahimiza kwa sasa wanatakiwa kuungana kwa pamoja na kuweza kujiandaa na uchaguzi mkuu wa mwaka  huu wa 2025 ili wagombea wa CCM katika nafasi za Udiwani, Ubunge, pamoja na Urais waweze kushinda kwa kishindo.

"Ndugu zangu tumemaliza uchaguzi wa serikali za mitaa lakini kitu kikubwa ninawaomba wenyeviti wote katika mitaa  yote 73 ya Kibaha mji ambao wamechaguliwa kwa kishindo ni kujipanga sasa na kuelekeza nguvu zao zote katika uchaguzi mwingine na kupambana kwa hali na mali kama wao walivyopambaniwa mpaka wakaweza kushinda,"aliongeza Nyamka.

 
Kwa upande wake Mwenyekiti mpya wa serikali ya mtaa wa Vikawe shule Shaban Shaban amewashukuru kwa dhati wanachama wote wa ccm,viongozi pamoja na wananchi kwa ujumla kwa kuweza kumchagua kuwa kiongozi wao pamoja na kuweza  kuwatumikia katika mambo mbali mbali ya kimaendeleo.

Mwenyekiti huyo ameongeza kuwa ameahidi kuitumia nafasi hiyo ambayo amepatiwa kwa kuweza kuhakikisha kwamba anaweka mikakati madhubuti ya  kuweza kushirikiana bega bega na  wananchi pamoja na Mbunge wa Jimbo la Kibaha mjini kwa ajili ya kuweza kuleta chacu ya maendeleo katika nyanja mbali mbali.

"Kwa kweli nipende kuchukua fursa hii ya kipekee kwa wanachama wote wa CCM,kwa kuweza kunipa kuranyingi ambazo zimeweza kupelekea ni mwenyekiti wa serikali ya mtaa wa Vikawe shule na mimi kwa nafasi yangu nitakuwa mstari wa mbele katika kusikiliza changamoto mbali mbali ambzo zinawakabili wananchi ili ziweze kufanyiwa kazi,"alisema Mwenyekiti Shabani.

Naye Diwani wa Kata ya Pangani Agustino Mdachi alisema kwamba atahakikisha anashirikiana na wenyeviti wote ambao wameweza kushinda ili waweze kusikiliza changamoto mbali mbali za wananchi zinazowakabili katika nyanja za afya, elimu,maji pamoja na mambo mengine ya msingi na kuzitafutia ufumbuzi.
Nao baadhi ya viongozi wa CCM mtaa wa Vikawe shule wamepongeza kwa dhati Mwenyekiti wa CCM Wilaya ya Kibaha mjini Mwalimu Mwajuma Nyamka pamoja na Mbunge wa Jimbo la Kibaha Mjini Silvestry Koka kwa kuweza kuwa mstari wa mbele kutekeleza Ilani ya Chama kwa vitendo ikiwa sambamba na kuwaletea maendeleo wananchi katika nyanja mbali mbali.

TUNDU LISSU: "HAKUNA TENA KUIMBIANA MAMBO YA MARIDHIANO YASIYOKUWEPO"

 Katika sehemu hii ya pili ya mazungumzo na BBC, Tundu Lissu anaanza kwa kumueleza Sammy Awami ikiwa atachaguliwa kuwa mwenyekiti wa Chadema, uongozi wake utakuwa wa 'mshike mshike' na uliojaa mapambano ya kudai mabadiliko ya kisiasa nchini

#bbcswahili #siasa #tanzania Subscribe kupata video motomoto kila siku kutoka BBC Idhaa ya Kiswahili    / @bbcnewsswahili  

RAS LINDI:BIL7.8 ZA MTAMA ZIKAMILISHE UJENZI WA SHULE KWA WAKATI

 

Katibu Tawla Mkoa wa Lindi Zuwena Omari ametoa wito kwa Menejimenti ya Halmashauri ya wilaya ya Mtama kuhakikisha wanafunzi wote waliopangiwa na kaundikishwa wanaripoti shule kwa wakati na wanakimilisha ujenzi wa shule kwa muda uliopangwa. 

Katibu Tawla Mkoa wa Lindi Zuwena Omari ametoa wito kwa Menejimenti ya Halmashauri ya wilaya ya Mtama kuhakikisha wanafunzi wote waliopangiwa na kaundikishwa wanaripoti shule kwa wakati na  wanakimilisha ujenzi wa shule kwa muda uliopangwa. 

Na Fredy Mgunda, Lindi.

Katibu Tawla Mkoa wa Lindi Zuwena Omari ametoa wito kwa Menejimenti ya Halmashauri ya wilaya ya Mtama kuhakikisha wanafunzi wote waliopangiwa na kaundikishwa wanaripoti shule kwa wakati na  wanakimilisha ujenzi wa shule kwa muda uliopangwa. 

Wito huo ameutoa leo alipotembelea halmashauri hiyo kuona maandalizi ya uripoti wa wanafunzi wa awali, darasa la kwanza na kidato cha kwanza na ukaguzi wa miradi ya ujenzi wa shule zenye thamani ya Bil 7.8. 

Akizungumza mbele ya Mkurugenzi Mtendaji wa Halmashauri ya Mtama, watalaamu wa halmashauri, Kamati za ujenzi na wawakilishi wa wananchi amesema , halmashauri imepata fedha nyingi ni jukumu la kila mmoja kuhakikisha anasimamia vema fedha hizo.

“Wito wangu kwa viongozi wa Halmashauri ya Mtama, wakati wote tunapopokea fedha za miradi tuwe tayari kutekeleza na kimsingi serikali imekuwa ikileta fedha za miradi ya maendeleo kila mwaka kwa ajili ya miradi tofauti tupokee fedha hizi tupange utekelezaji na tuwe na usimamizi wa mara kwa mara tuhakikishe ubora na umalizikaji kwa wakati, Mkurugenzi hili ni lakwako kuhakikisha kwamba basi muda tuliokubaliana na wakandarasi wetu miradi hiyo inakamilika kwa wakati “ Zuwena Omari Katibu Tawala Mkoa Lindi.

Kwa upande wake Mkurugenzi Mtendaji wa Halmashauri ya Mtama Anderson D Msumba amesema wanamshukuru Mhe. Rais Dkt Samia Suluhu Hassan kwa fedha nyingi kwa mara kwanza kupata fedha hizo na amemuahkikishia Katibu Tawala Mkoa kukamilisha miradi mwezi wa Nne mwishoni.

Mwakilishi wa wenyeviti wa kutoka Halmashauri ya Mtama Juma Omari Salumu wa kijiji cha Kiwalala amemshukuru Mhe. Rais kwa mradi huo na kuahidi kutoa ushirikiano kwa wananchi na viongozi wote.

Brigita John Mponda mkazi wa kijiji hicho kwaniaba ya wananchi amesema miradi hiyo wameipokea vizuri miradi  ujenzi wa shule mpya kwani inakwenda kuwaletea elimu bora kwa watoto wao.

Bil 7.8 ya halmashauri ya Mtama inakwenda kujenga shule ya wavulana kanda ya kiwalala, ujenzi wa vyumba viwili vya madarasa na matundu 6 ya choo shule ya msingi Mahumbika, Ujenzi wa Shule ya mpya ya Msingi –Mtakuja Nyangao, Ujenzi wa Madarasa 5 Shule ya Msingi Simama, Ujenzi wa shule ya sekondari Mtakuja kata ya Nyangao, Ujenzi wa shule mpya ya Amali Mkoa na Ujenzi wa shule ya Sekondari kata ya Pangani.

WALIOKOSA HUDUMA YA MAJI TANGU NCHI IPATE UHURU SASA WACHEKELEA.

 MWANDISHI:- VICTOR MASANGU, PWANI 

IMESOMWA NA ALBERT G.SENGO

Zaidi ya wananchi wapatao laki mbili kutoka maeneo ya kata za Msoga pamoja na Msata Wilaya ya Bagamoyo Mkoa wa Pwani hatimaye wameondokana na kilio cha muda mrefu cha kuwepo kwa changamoto ya ukosefu wa maji safi na salama baada ya kukamilika kwa miradi mipya ya visima pamoja na ujenzi wa tenki kubwa la maji lenye uwezo wa kujaza lita zaidi ya milioni 2.

Baadhi ya wananchi Wilayani Bagamoyo  hususan wakinamama wakizungumza katika nyakati tofauti wakati wa ziara ya kikazi ya Naibu Waziri wa maji Mhandisi kundo Methew ya kutembelea miradi mbali mbali  hawakusita kumshukuru kwa dhati  Rais Dkt. Samia Suluhu Hassan kwa kuweza kuwakomboa na kuwatua ndoo kichwani kwani hapo awali walikuwa wanateseka kutembea umbari mrefu kwa ajili ya kufuata huduma ya maji.

 
Naibu Waziri wa maji Mhandisi Kundo Methew amefanya ziara ya kikazi katika Wilaya ya Bagamoyo Mkoa wa Pwani yenye  lengo la kuweza kutembelea miradi mbali mbali ambayo inatekelezwa na Dawasa pamoja na Ruwasa ikiwa pamoja naa kusikiliza kero na  changamoto kutoka kwa wataalamu ili kuweza kuzitafutia ufumbuzi.

IJUWE NYUMBA YA KWANZA YA MWALIMU NYERERE ALIYOJENGA NDIPO AKARUHUSIWA KUOA

 NA ALBERT GSENGO/ BUTIAMA/ MARA

WENGI wanafahamu nyumbani kwa Baba wa Taifa katika eneo la Mwitongo, Kijiji cha Butiama, mahala alipozikwa pia, pale ambapo sasa ni eneo la kivutio cha utalii. Lakini Jeh unaijua nyumba ya kwanza kabisa ya Hayati Baba wa Taifa ambayo kwa mila na desturi za Wazanaki alipaswa kujenga au kumiliki nyumba ili kuwa na sifa ya kuoa? Kwa siku ya leo tunaye mtoto wa sita kati ya watoto nane wa Hayati Baba wa Taifa huyu si mwingine bali ni Madaraka Nyerere. #samiasuluhuhassan #butiama #mwitongo #nyerere

SERIKALI YAWEKA MIKAKATI YA KUMALIZA KABISA KERO YA MAJI NCHINI - NAIBU WAZIRI WA MAJI

 NA. VICTOR MASANGU, PWANI 

Naibu waziri wa maji Mhandisi Kundo Mathew amesema kwamba lengo kubwa la serikali ya awamu ya sita inayoongozwa na Rais Dkt. Samia Suluhu Hassana  ni kuendelea  kuhakikisha kwamba inatatua kero na changamoto  ikiwa pamoja na kutafuta ufumbuzi   katika  suala zima la kuboresha  upatikanaji wa maji safi na salama  kwa wananchi bila vikwazo vyovyote.

Hayo ameyabaisha wakati akizungumza katika kikao kazi na wataalamu mbali mbali wa mamlaka za  maji wa Mkoa wa Pwani  ambapo amebasema kwamba lengo la serikali ni kuhakikisha inafikisha huduma ya maji safi na salama kwa kiwango cha asilimi 85 katika maeneo ya vijijini na kwa upande wa maeneo ya mjini ni kwa kiwango cha silimia 95.

MNEC KASESELA,MWAKA 2025 NI MWAKA WA KUTENDA HAKI, UTU NA UPENDO

 

Mjumbe wa Halmshauri kuu ya chama cha Mapinduzi taifa MNEC Richard Kasesela amesema kuwa mwaka wa 2025 utakuwa mwaka wa kutenda haki kwa kila jambo na kwa kila mwananchi kwa kufuata sheria, kanuni na taratibu za nchi pamoja upendo na utu kwa kila mwananchi.

Na Fredy Mgunda

Mjumbe wa Halmshauri kuu ya chama cha Mapinduzi taifa MNEC Richard Kasesela amesema kuwa mwaka wa 2025 utakuwa mwaka wa kutenda haki kwa kila jambo na kwa kila mwananchi kwa kufuata sheria, kanuni na taratibu za nchi pamoja upendo na utu kwa kila mwananchi.

MNEC Kasesela alisema kuwa mwaka 2025 ni mwaka wa uchaguzi kwenye vyama vya siasa hadi uchaguzi mkuu wa kuwapata madiwani, wabunge hadi Rais hivyo ni bora ikatumika haki katika chaguzi zote.

Alisema kuwa vyombo vyote vya dola na wananchi wakitenda haki na wakitendewa haki hakutatokea vurugu kama ambavyo zinavyotokea nchi za jirani mara baada ya uchaguzi.

MNEC Kasesela alisema kuwa kila mwananchi akiwa na nidhamu kwenye maamuzi ya kutenda haki na nidhamu ya fedha na muda basi Tanzania itanufaika sana na mwaka 2025 kwa kutenda haki.

Alimalizia kwa kuwaomba viongozi wa dini nchi nzima kuwaombea viongozi wa serikali na vyama vya siasa kudumisha amani, utulivu katika uchaguzi za vyama na uchaguzi mkuu.

UONGOZI WA COREFA WAFANYA MAGEUZI MAKUBWA YA KUKUZA KABUMBU PWANI

 

NA VICTOR MASANGU,PWANI

Chama cha soko Mkoa wa Pwani (COREFA) katika kuunga mkono juhudi za Rais wa awamu ya sita  Dkt. Samia Suluhu Hassan katika kukuza sekta ya michezo hapa nchini imeamua kuweka mikakati kabambe ambayo itaweza kusaidia kuinua kiwango cha kabumbu kwa kuinua soka la vijana, wanawake, pamoja na soka la ufukweni  sambamba na  ujenzi wa  kiwanja cha kisasa cha mpira wa miguu.

Hayo yamebainishwa na Mwenyekiti wa COREFA Robert Munisi wakati akizungumza na waandishi wa habari katika mkutano maalumu ambao umefanyika  makao makuu ya ofisi za chama hicho kilichopo eneo la kwa Mathias Wilaya ya Kibaha na kuhudhuliwa na viongozi mbali  wakiwemo viongozi wa  soka la wanawake  kwa lengo la kujadili mambo mbali mbali ya maendeleo ya mchezo huo.

Mwenyekiti huyo amesema kwamba lengo kubwa la kukutana katika mkutano huo ni  kwa ajili ya kuweka mikakati na   mipango  madhubuti katika ya uongozi wa COREFA pamoja na waandishi wa habari wa Mkoa wa Pwani ili kuweza kuona namna nzuri ya kuripoti habari za mchezo wa soka, kusikiliza maoni, changamoto, pamoja na kuelezea mafanikio ambayo yamepatikana kwa Corefa.

Munisi amebaainisha  kwamba lengo lake kubwa ni kuweza kushirikiana na waandishi wote wa Mkoa wa Pwani katika kuhakikisha wanatangaza na kuhabarisha jamii mambo  mbali mbali ambayo ynafanywa na chama ikiwemo kuweka mipango ya kuripoti habari za mchezo wa soka la vijana, wanawake, na soka la ufukweni ikiwa sambamba na kushirikiana katika mambo mbali mbali ambayo yataweza kuletaa tija katika nyanja ya mchezo wa soka ndani ya Mkoa wa Pwani.

"Kimsingi mimi kama Mwenyekiti nimefarijika sana kukutana naa ndugu zangu waandishi w habari ambapo lengo kubwa ni kuzungumza mambo mbali mbali ikiwemo mafanikio ambayo tumeweza kuyapata tangu niweze kuingia madarakani na kitu kikubwa tumeweza kufanya mambo mengi ikiwemo kupata ofisi yetu  eneo la kwa mathiasi japo kwa sasa tumepanga lakini dhumuni etu kubwa ni kujenga ofisi yetu ya Corefa ambaayo itakuwa ni ya kudumu,"alisema Mwenyekiti Munisi.

Aidha alisema kwamba kwa sasa lengo lao kubwa ni kuwa ni uwanja mkubwa wa kisasa wa mpira wa miguu ambao utatarajiwa kujengwa katika kata ya viziwaziwa Wilaya ya Kibaha na kwamba tayari wameshapokea barua ya kupewa eneo kutoka kwa uongozi wa Halmashauri ya mji Kibaha kwa ajili ya kuweza kunegaa uwanja huo ambao kwa upande wao utakuwa ni moja katika ya vitega uchumi vya chama chao.

Kadhalika amesem kwamba  sasa wameshaanza kutekeleza maagizo ambayo yametolewa ba shirikisho la soka nchini Tanzania (TFF) ya kuanzisha ligi ya soka la ufukweni, ikiwa sambamba na kukuza soka la vijana pamoja na soka la wanawake amablo kwa sasa katika Mkoa wa Pwani linafanya vizuri ukilinganisha na miaka ya nyuma iliyopita.

Katika hatua nyingine Mwenyekiti huyo alitumia mkutano huo kudhamini kwa dhati juhudi za mwandishi wa habari za michezo Mkoa wa Pwani Abdalalah   Zalala kwa kumpogeza na kumkabidhi cheti na kiasi cha shilingi laki moja ikiwa kama ni moja ya motisha katika utekelezaji wa majukumu yake ya kuandika na kuripoti habari za mchezo wa soka kwa kujitolea na weledi.

"COREFA inatambua mchango wa Mwandishi wa Habari za michezo Abdallah Zalala na leo tunamkabidhi zawadi ya fedha lakini tutaendelea kuwashika mkono Waandishi wote ambao watakuwa wanaandika zaidi habari za michezo za Mkoa wa Pwani,"amesema Munisi

Pia Munisi  amebainisha kwamba  Chama cha soka Mkoa wa Pwani  (COREFA)  kimejipanga na kujizatiti zaidi katika  kuhakikisha mpira unachezwa katika Wilaya zote  kwa kuzingatia sheria, taratibu, kanunu, miongozo na katiba ya vyama ngazi ya Wilaya, Mkoa, pamoja na Taifa ili kuepusha migogoro ambayo imekuwa ikijitokeza na kwamba wataendelea kushirikiana bega kwa bega  na wadau wa mchezo  wa soka  ndani ya Mkoa wa Pwani lengo ikiwa mashindano na ligi zote zifanyike kama ilivyopangwa kwa mujibu wa ratiba ya TFF.

RAIS SAMIA APONGEZWA UTEKELEZAJI MIRADI YA MAENDELEO

 NA ALBERT G.SENGO

#samiasuluhuhassan #news #biteko #ofisiyawazirimkuu #naibuwazirimkuu

NONAFILTER MKOMBOZI WA MAJI SAFI NA SALAMA TANZANIA

 

NA. MWANDISHI WETU

Teknolojia ya kuchuja maji ya "NANOFILTER" imeendelea  kuimarisha jitihada za usafi wa mazingira, upatikanaji wa maji safi na salama ili kuendelea kuhudumia jamii kwa kuwapata maji safi na salama ya kunywa hususani wanafunzi waliopo shule za Msingi na Sekondari nchini.

Ofisi ya Waziri Mkuu, Sera, Bunge na Uratibu kwa kushirikiana  na shirika la ActionAid Tanzania (AATZ), imeratibu ziara ya kikazi ya maafisa kutoka Ofisi ya Rais Tawala za Mikoa na Serikali za Mitaa "TAMISEMI", Wizara ya Afya, Wizara ya Elimu, Wizara ya Maji, Wizara ya Fedha,  wametembelea eneo la Ngongali TASS  (Tanzania Adventist Secondary School) iliyopo wilayani Arumeru Mkoani Arusha na makao makuu ya "NANOFILTER" Jijini Arusha, tarehe 22 Disemba, 2024.

Lengo la ziara hiyo ni kujifunza na kuongeza ufahamu juu ya uvumbuzi wa teknolojia hiyo ya "NANOFILTER" na  Matumizi yake.

Katika ziara hiyo wamepata fursa ya  kujionea teknolojia ya kuchuja maji ili kupata maji safi na salama ya kunywa, kupitia mvumbuzi wa teknolojia hiyo, Profesa Askwar Hilonga, kutoka Taasisi ya Nelson Mandela.

Akizungumza wakati wa ziara hiyo, Profesa Askwar Hilonga amesema kuwa teknolojia ya kuchuja maji lengo lake kuu ni kukabiliana na magonjwa yatokanayo na bakteria waliopo kwenye maji na kemikali hatarishi katika maji ya kunywa.

Kwa upande wake mwakilishi kutoka shirika la ActionAid, Profesa Oskar Mkasa alipongeza na kumshukuru Profesa Askwar Hilonga kwa elimu aliyoitoa kwa washiriki wa ziara hiyo,  na jitihada aliyoitumia katika kuvumbua mashine hizo, na kusisitiza kuwa, lengo la ziara hiyo pamoja na kujifunza watahakikisha, teknolojia hiyo wanaiwezesha  kuzifikia  shule za msingi na sekondari elfu ishirini na Tina (29000) Tanzania Bara, shule elfu moja na mia mbili (1200) kwa upande wa Zanzibar, ili kuziwezesha kupata maji safi na salama.

KASESELA MBUNGE, DIWANI UKISHINDWA UCHAGUZI JILAUMU MWENYEWE

 

Mjumbe wa Halmshauri kuu ya chama cha Mapinduzi (CCM) taifa (MNEC) Richard Kasesela akisisitiza mambo mazuri aliyoyafanya Rais Dkt samia Suluhu Hassan kwenye kila jimbo na kata hapa nchini 

Mwenyekiti wa chama cha Mapinduzi (CCM) mkoa wa Iringa Daud Yassin akikabidhi MNEC Salim Abri Asas tuzo ya mchango wake mkubwa ndani ya chama cha Mapinduzi mkoa wa Iringa 

Na Fredy Mgunda, Iringa.

Mjumbe wa Halmshauri kuu ya chama cha Mapinduzi (CCM) taifa (MNEC) Richard Kasesela amesema kuwa Mbunge au Diwani atakayeshindwa kutetea nafasi yake ajilaumu mwenyewe kwa kuwa Rais Dkt samia Suluhu Hassan ametekeleza mikubwa kwenye kila jimbo na kata kulingana na ila ya CCM ya 2020/2025.

Kasesela aliyasema hayo katika kikao cha Halmashauri Kuu ya CCM Mkoa wa Iringa, ambapo alisisitiza kuwa kazi kubwa zilizofanywa na Rais Samia zinawapa urahisi viongozi waliopo kuendelea na nafasi zao, na iwapo watashindwa, ni wao wenyewe watakaojilaumu.

Katika hatua nyingine, alimpongeza Mjumbe wa Halmashauri Kuu ya CCM Taifa (MNEC), Salim Abri Asas, kwa mchango wake mkubwa ndani ya chama hicho, ambao umekuwa na mchango mkubwa katika mafanikio ya chama hicho.

Aidha, alikipongeza chama hicho kwa ushindi wa asilimia 99.99 katika uchaguzi wa serikali za mitaa, akisisitiza kuwa CCM kimeshinda kwa haki na hiyo ndiyo sababu ya kutokuwepo malalamiko kutoka vyama vya upinzani.

ADEM FAFANYA KWELI YATOA MSAADA GEREZA LA KIGONGONI BAGAMOYO

 

NA VICTOR MASANGU, BAGAMOYO 

Katika kuunga mkono juhudi za serikali ya awamu ya sita katika kuisaidia jamii   Wakala wa Maendeleo ya Uongozi wa Elimu-ADEM imeamua  kufanya ziara maalumu yenye lengo la  kutembelea wafungwa katika gereza la Kigongoni lilipo Wilaya ya Bagamoyo Mkoa wa Pwani na kutoa  misaada ya mahitaji ya msingi na vitu mbalimbali ambavyo vitawasaidia katika gereza hilo.

 Akizunngumza Katika ziara hiyo mkurugenzi wa taaluma wa ADEM Bugendi Joseph amesema  kwamba  wamepata  fursa ya kutembelea gereza hilo na kutoa mahitaji kama vile  miswaki, dawa za meno, viwembe, sabuni, unga na mchele  kwa kuzingatia mahitaji ya wafungwa.

Pia Bugendi amebainisha kwamba mbali na kutembelea gereza hilo pia  watumishi pamoja na wanafunzi wa ADEM wametembelea kituo cha kulelea watoto wanaotoka katika mazingira magumu cha  Amani Orphanage Center kilichopo katika Kata ya Zinga Wilayani Bagamoyo na kutoa msaada wa mahitaji  mbalimbali ikiwemo  vyakula, nguo, vifaa vya shule, na mahitaji mengine madogo madogo ya watoto wanaohudumiwa katika kituo hicho.

Aidha Mkurugenzi amesema  sambamba na kukabidhi msaada huo uongozi wa Adem ukaamua kuchangia  kiasi cha shilingi laki nane kwa ajili ya kuwasaidia katika  kuboresha mazingira ya nyumba yao wanayoishi hasa miundombinu ya umeme. 

Aidha, ziara hiyo pia imehusisha kutembelea Kaya zisizojiweza katika Kaya ya Kisutu, Bagamoyo ambazo zilibainishwa na Wenyeviti wa Mitaa katika Kata hiyo ambapo kaya zipatazo 13 zilisaidiwa mahitaji ya chakula na nguo.

Bugendi katika hatua nyingine amebainisha kwamba lengo la chuo hicho ni kuweka mikakati ya kuandaa wataalamu na viongozi mahiri ambao watakwenda kusaidia katika sekta ya elimu hapa nchini.

Naye Rais wa Serikali ya Wanafunzi-ASO Bw. Joshua Raphael  mara baada ya kukamilika kwa ziara hiyo amesema, wao kama wanachuo wa ADEM kwa kushirikiana na Menejimenti ya ADEM wanaona fahari kubwa kushirikiana na jamii inayowazunguka hasa kwa kuisaidia jamii katika mshitaji mbali mbali.

Adem imekuwa mstari wa mbele katika kufanya  Ziara kama hizo ambazo uwa zinafanyika  kila mwaka ili kurudisha huduma kwa jamii na mskundi mbali mbali  ikiratibiwa na Ofisi ya huduma saidizi za wanafunzi pamoja na Serikali ya Wanachuo wa ADEM-ASO.