ZAIDI YA WANANCHI 9,450 KUNUFAIKA NA HUDUMA YA MAJI WILAYA YA KOROGWE

 

Na Oscar Assenga, TANGA

ZAIDI ya Wananchi 9,450 wa wilaya ya Korogwe Mkoani Tanga wanatarajiwa kuondokana na changamoto ya upatkanaji wa maji baada ya Serikali kuzindua mradi wa Kitaifa wa Ujenzi wa Visima 900 ambao unalenga kutatua changamoto hiyo.

Kati ya visima hiyo Mkoa wa Tanga watapata visima 53 ambavyo vitajengwa kila jimbo

Akizungumza mradi huo katika Kijiji cha Makorora wilaya Korogwe Mkuu wa Mkoa wa Tanga Balozi Batilda Burian alisema kwamba visima 8 vimejengwa na kati ya hivyo vitano vimejengwa katika Jimbo la Korogwe Vijiji na Vitatu Korogwe mjini.

Alisema kwamba hatua hiyo ni juhudi za Serikali za kuhakikisha wana watua ndoo kichwani wakina mama hapa nchini kwa kuwekwa huduma hiyo karibu na maeneo yao ili kuwaondolea adha ambazo walikuwa wanakumbana nazo awali.

“Leo hii tumekuja kushuhudia katika jimbo la Korogwe Visima vilivyochimbwa na hivyo yote ni kuhakikisha tunamtua Ndoo kichwani Mama kama ilivyo azma ya Rais wetu Dkt Samia Suluhu tumefanya hivyo kuonyesha maji yamefika kwa wananchi”Alisema

Awali akizungumza Meneja wa Ruwasa Mkoa wa Tanga Mhandisi Upendo Lugongo alisema kwamba wataendelela kuboresha huduma za maji katika maeneo ya vijiji kwa kuendeleza miradi ya maji kila eneo ambalo halijaunganishwa na huduma hiyo

Alisema huduma hiyo iwafikie ndani ya muda mfupi ili waweze kuondokana na adha ya kufuata maji umbali mrefu na hivyo kuwawezesha kushiriki kwenye shughuli nyengine za maendeleo.

Lengo la Serikali ni kuwapatia maji wananchi kwa asilimia 85 vijiji na aslimia 95 maeneo ya mijini

TAASISI ZOTE MWANZA ZATAKIWA KUJISAJILI PDPC

 

NA ALBERT G.SENGO/MWANZA Ulinzi wa Taarifa Binafsi ni suala nyeti kutokana na kukua kwa sayansi na teknolojia kunakosababisha utoaji huduma nyingi kuhamia kwenye mifumo ya kielektroniki hivyo kulazimu kuanzishwa kwa Sheria ya Ulinzi wa Taarifa Binafsi Namba 11 ya Mwaka 2022, Sura ya 44.

MFUMO WA DIGITAL WA USAJILI WA WANAHABARI WA BODI YA ITHIBATI KUKAMILIKA APRIL 2025

 

WAAJIRI WATHAMINI TAALUMA YA UANDISHI WA HABARI- DKT. MKOKO.

 

Na Mwandishi Wetu.

BODI ya Ithibati ya Waandishi wa Habari (JAB) imesema kama vile Serikali inavyothamini taaluma ya Uandishi wa Habari na Waandishi wenyewe, ndivyo ambavyo waajiri/wamiliki wa vyombo vya habari wanavyotakiwa kuwapa thamani wanayostahili.

Akizungumza katika mahojiano na kituo cha Televisheni cha Upendo tarehe 27 Machi, 2025, kwenye kipindi cha Wakeup Calls, Mjumbe wa Bodi hiyo Dkt. Egbert Mkoko, amesema kuwa kama Serikali inampa Mwandishi wa Habari Ithibati na Kitambulisho ina maana inamthamini.

“Serikali inamthamini huyu kwamba anastahili kuwa mwandishi wa habari kwa hiyo na yeye kama mwajiri ampe thamani inayostahili kwa sababu ukimwajiri halafu ukamwambia fanya kazi tutaangalia angalia mwisho mwa mwezi kama tutapata kitu, kama tukipata matangazo tutakupatia kitu, tusipopata tutaangalia mwezi ujao sasa hiyo itakuwa ajira au…," amesema na kuongeza;

“Sasa hiyo inakuwa unaishushia hadhi taaluma yenyewe. Kwa hiyo kwanza tutapeana elimu licha ya kwamba tunajua kuwa vyombo vya habari uchumi haujakaa vizuri, na kuna ripoti ilitoka mwaka jana kuhusu hali ya uchumi wa vyombo vya habari nadhani kuna mambo yatafanyika kuhakikisha kunakuwa na mazingira mazuri ya vyombo vya habari kufanya kazi na kuwa na uchumi unaostahiki kuweza kuwalipa wana taaluma wake,” amesema Dkt. Mkoko.

Kwa mujibu wa Mjumbe huyo waandishi wa habari wanastahili kulipwa mishahara yao kwa wakati pia kupata haki zingine za msingi kama walivyo wafanyakazi wengine ikiwa ni pamoja na bima za afya.

“Na hilo ndilo moja ya jukumu lingine la bodi kuhakikisha ustawi wa waandishi wa habari katika vyombo vya habari wanavyofanyia kazi unazingatiwa na suala la afya ni la msingi sana kwani bila kuwa na afya njema huwezi kufanya lolote na kwamba ili uwe na uhakika wa afya njema ni muhimu kuwa na bima ya afya." Amesisitiza Dkt. Mkoko.

KAMPUNI YA SUNKING YAUNGA MKONO AGENDA YA RAIS SAMIA

 

Kampuni ya sola ya SunKing imeendelea kusogeza karibu zaidi huduma kwa wananchi baada ya kufungua duka jipya katika eneo la stendi ya Kona ya Kayenze jirani na Kisesa, Wilaya ya Magu mkoani Mwanza.

Akizungumza Ijumaa Machi 28, 2028 wakati wa hafla ya ufunguzi wa duka hilo, Msimamizi wa Biashara wa kampuni hiyo, Juma Mohamed amesema hadi sasa jumla ya maduka 65 yamezinduliwa kote nchini na mkakati ni kuendelea kufungua maduka zaidi ili kuwafikia wananchi wengi zaidi.

"Kazi yetu ni kubuni, kutengeneza na kusambaza mitambo inayotumia nishati ya jua (sola) yenye uhakika wa mwanga ang'avu na salama kwa matumizi ya wananchi. Hili litakuwa duka la nne Mwanza ambapo tayari tumefungua Buhongwa, Buzuruga, Buswelu" alisema Mohamed.

Mohamed amebainisha kuwa kampuni hiyo ina mitambo ya gharama nafuu inayotolewa kwa mkopo kuanzia shilingi 350 kwa siku huku ikiwa na mitambo yenye uwezo wa kuwasha vifaa mbalimbali ikiwemo taa, TV na friji.

Ameongeza kuwa kampuni ya SunKing inaunga mkono jitihada za Serikali inayoongozwa na Rais Dkt. Samia Suluhu Hassan zinazohamasisha nishati safi ili kuondokana na matumizi ya nishati chafu hatari kwa mazingira ikiwemo mkaa, kuni na mafuta ya taa.

Akizungumza kwa niba ya Mkuu wa Wilaya ya Magu, Afisa Tarafa ya Sanjo- Perpetua Chonja amewahimiza wananchi kuepuka matumizi ya nishati chafu ikiwemo vibatari kwani moshi wake ni hatari kwa macho na mapafu na badala watumie taa za SunKing kama nishati mbadala kwa hasa umeme unapokatika.

Chonja ameipongeza kampuni ya SunKing kwa kuunga mkono jitihada za Raid Dkt. Samia ambaye amekuwa akihamasisha nishati safi ikiwemo mitungi ya gesi ambapo kwa Tarafa ya Sanjo jumla ya majiko 800 yametolewa kwa wananchi.

Kwa upande wake balozi wa SunKing, mwanamuziki Mrisho Mpoto amesema bidhaa za SunKing ni bora kwani zinatoa nishati ya kutosha hata wakati wa mawingu huku pia ikitoa fursa kwa mtu yeyote kuwa wakala wa kuuza bidhaa hizo ambapo hadi sasa ina zaidi ya mawakala elfu tatu nchini.

Nao baadhi ya wananchi akiwemo Beatrice Michael na Kipara Luhiji wamesema bidhaa za SunKing ni mkombozi hasa kwa wajasiriamali wanaofanya shughuli zao nyakati za usiku ambapo hupata mwanga ang'avu ambao pia huwasaidia wanafunzi kujisomea wakiwa nyumbani.

Na George Binagi- GB Pazzo, Mwanza

Afisa Tarafa ya Sanjo wilayani Magu, Perpetua Chonja (wa tatu kulia) akikata utepe kuashiria uzinduzi wa duka jipya la SunKing katika eneo la Stendi ya Kona ya Kayenye iliyopo Kijiji cha Isangijo Kata ya Bukandwe wilayani Magu. Wa tatu kushoto ni Msimamizi wa Biashara SunKing, Idd Mohamed. Wengine ni viongozi mbalimbali Kata ya Bukandwe.

Afisa Tarafa ya Sanjo wilayani Magu, Perpetua Chonja (wa tatu kulia) akikata utepe kuashiria uzinduzi wa duka jipya la SunKing katika eneo la Stendi ya Kona ya Kayenye iliyopo Kijiji cha Isangijo Kata ya Bukandwe wilayani Magu. Wa tatu kushoto ni Msimamizi wa Biashara SunKing, Idd Mohamed. Kulia ni Balozi wa SunKing, Mrisho Mpoto.

Afisa Tarafa ya Sanjo wilayani Magu, Perpetua Chonja (wa pili kulia) akikata keki kuashiria uzinduzi wa duka jipya la SunKing katika eneo la Stendi ya Kona ya Kayenye Mwanza. Kulia ni Msimamizi wa Biashara SunKing, Idd Mohamed. Wengine ni viongozi wa Kata ya Bukandwe.

Afisa Tarafa ya Sanjo wilayani Magu, Perpetua Chonja (wa pili kulia) akimlisha keki Balozi wa SunKing, Mrisho Mpoto.

Afisa Tarafa ya Sanjo wilayani Magu, Perpetua Chonja (wa pili kulia) akimlisha keki mmoja wa wananchi.

Uzinduzi wa bidhaa za SunKing katika eneo la stendi ya Kona ya Kayenze Mwanza.

Wakazi wa Mwanza wakifuatilia uzinduzi wa duka jipya la SunKing katika eneo Kona ya Kayenye jirani na Kisesa.

Mmoja wa wakazi wa Mwanza akipatiwa huduma ya sola kutoka kampuni ya SunKing.

Mawakala wa SunKing wakiwa kwenye picha ya pamoja na mwanamuziki Mrisho Mpoto.

Burudani.

PIA>>> Bonyeza hapa kusoma zaidi

VIDEO: SIMBA SC YATINGA ROBO FAINALI KOMBE LA TFF

 TIMU ya Simba SC imefanikiwa kwenda Hatua ya Robo Fainali ya Kombe la Shirikisho la Soka Tanzania (TFF) baada ya ushindi wa mabao 2-1 dhidi ya Big Man FC ya Tanga leo

Uwanja wa Halmashauri ya Manispaa ya Kinondoni, KMC Complex, Mwenge, Dar es Salaam.
Katika mchezo huo wa michuano inayodhaminiwa na Benki ya CRDB, mabao ya Simba SC yamefungwa na winga Mzambia, Joshua Mutale dakika ya 16 na mshambuliaji Mcameroon, Christian Leonel Ateba Mbida kwa penalti dakika ya 31, wakati bao pekee la Big Man FC limefungwa na Joseph Henock dakika ya 45.

ATCL, TTCL HALI TETE ZAIDI YA MWAKA JANA, TAASISI ZINAIDAI BILIONI 311.98/- IMO MISHAHARA

 

MDHIBITI na Mkaguzi Mkuu wa Hesabu za Serikali (CAG), Charles Kichele amesema watumishi wa umma katika taasisi 269 wanadai Sh. bilioni 311.98 ikiwamo mishahara, gharama za usafiri wa mizigo kwa wastaafu na marupurupu ya kisheria, kwa viongozi wa idara.

Amesema katika madeni hayo serikali kuu inadaiwa Sh bilioni 274.8 mamlaka za serikali za mitaa zinadaiwa Sh 24.54 wakati mashikira ya umma yakiwa yanadaiwa sh bilioni 12.64.

CAG ameyasema hayo leo, wakati akimkabidhi Rais Samia Suluhu Hassan, taarifa ya mwaka ya Taasisi ya Kuzuia Kupambana na Rushwa (TAKUKURU), pamoja na Ripoti ya Mdhibiti na Mkaguzi Mkuu wa Serikali (CAG), Ikulu, jijini Dar es Salaam.

Aidha Mdhibiti na Mkaguzi Mkuu wa Hesabu za Serikali  amesema mwaka wa fedha 2023/24, Kampuni ya Ndege Tanzania (ATCL) imepata hasara ya Sh91.8 bilioni, ikiwa ni ongezeko la asilimia 62 kutoka Sh56.6 bilioni mwaka uliopita.

CAG Kichere amesema hasara hiyo inatokana na gharama kubwa matengenezo ya ndege na hitilafu za injini ambapo ndege za Airbus zilikaa muda mrefu bila kufanya kazi zikisubiri injini.

“Pia kampuni ilitumia Sh99.8 bilioni ikiwa ni ruzuku kutoka serikalini endapo isingekuwa ruzuku hiyo kampuni ingepata hasara halisi ya Sh191.6 bilioni,” amesema.

Amependekeza kampuni ishirikiane na Serikali katika kufanya utafiti wa njia bora zaidi za uendeshaji wa ndege kwa kuzingatia masuala ya kifedha na kiuchumi kuongeza ufanisi wa uendeshaji.

Kwa upande wa Shirika la Mawasiliano Tanzania (TTCL), amesema lilipata hasara ya Sh27.7 bilioni mwaka wa fedha wa 2023/2024. Ongezeko hili ni kutoka Sh4.32 bilioni ya hasara kwa mwaka uliopita.

Hasara hii ya mwaka huu inachangiwa na ongezeko la gharama baada ya kuhamishiwa Mkongo wa Taifa na Kituo cha Taifa cha Data.

“Licha ya kukusanya mapato ya fedha kiasi cha Sh24 bilioni kutoka mkongo hazikuhesabiwa kama mapato ya TTCL bali zilitumika kulipia deni la mkongo, hivyo shirika limeendelea kupata hasara,” amesema.

Amependekeza deni la mkongo wa taifa lilipwe na taifa na mapato yanayopatikana yatumike kuendesha shirika kiufanisi.

Aidha, Shirika la Posta Tanzania lilipata hasara ya Sh23.6 bilioni ambapo ilichangiwa na kushuka kwa mapato kwa asilimia 20.

GENERATION SAMIA, PPRA WASHIRIKIANA KUTOA ‘KONEKSHENI’ YA TENDA ZA SERIKALI MWANZA

 NA ALBERT G.SENGO/MWANZA

Generation Samia kwa kushirikiana na Mamlaka ya Udhibiti wa Ununuzi wa Umma (PPRA) watafanya Kongamano la Wazi la Fursa za Uchumi, litakalobeba ujumbe wa ‘Mgao wa 30% za Samia Kupitia Mfumo wa NeST’, likalofanyika Machi 29, 2025, Kwa Tunza Beach, jijini Mwanza. Akizungumza na waandishi wa habari jijini hapa, Msemaji wa Generation Samia, Bi. Sonnatah Nduka amesema lengo la kuandaa kongamano hilo linalotajiwa kuhudhuriwa na maelfu ya wakaazi wa Mwanza ni kuwafikishia ujumbe wananchi kuhusu uwepo wa fursa za tenda za Serikali zilizotengwa kwa ajili ya makundi maalum ambayo ni Wanawake, Wazee, Vijana na Watu Wenye Ulemavu zinazopatikana kupitia Mfumo wa NeST. Akizungumzia sababu ya kuita ‘Mgao wa 30% ZA Samia Kupitia Mfumo wa NeST, amesema hatua hiyo inatokana na ukweli kuwa katika kipindi cha uongozi wa Mheshimiwa Rais, Dkt. Samia Suluhu Hassan ndipo Mfumo wa NeST ulijengwa na Sheria mpya ya ununuzi wa umma ilitungwa ikitoa fursa kwa makundi maalum kwa haki na usawa. “Watanzania ambao hawawezi kuwa na makampuni wamepewa nafasi ya kupata tenda kwa kuunda vikundi na kujisajili kwenye Mfumo wa NeST. Asilimia 30 ya bajeti ya ununuzi wa Serikali imetengwa kwa ajili ya makundi haya maalum. Naye Meneja wa PPRA Kanda ya Ziwa, Mhadisi Juma Mkobya alisema taasisi hiyo itawaeleza kwa kina watanzania kwenye jukwaa hilo jinsi ya kupata tenda za Serikali na itatoa huduma za usajili kwenye Mfumo wa NeST kwa washiriki watakohitaji na watakaokidhi vigezo. Kongamano hilo litahudhuriwa na Viongozi wa Serikali ya Mkoa wa Mwanza, Mkurugenzi Mkuu wa PPRA, na wananchi kutoka makundi mbalimbali.

WAFUGAJÌ HALMASHAURI KIBAHA DC NA BAGAMOYO MKOA WA PWANI WAPATIWA DOZI YA CHANJO ZA WANYAMA LAKI 178

 NA VICTOR MASANGU,KIBAHA

Serikali ya awamu ya sita kupitia wizara yake ya mifugo na uvuzi imeanza kutekeleza azma yake ya mpango wa kuwasaidia wafugaji  ambapo imetoa chanjo dozi 178,000 kwa halmashauri ya wilaya Kibaha na Bagamayo kwa ajili ya  mifugo  yao ikiwa ni moja ya chanjo zinazotolowe katika   kampeni ya kitaifa kwa ajili ya uchanjaji wa mifugo hiyo ambayo  lengo lake kubwa ni kuweza kudhibiti na kutokomeza magonjwa ya mifugo hapa nchini.

Hayo yamebainishwa na Mkurugenzi  wa Operesheni   kutoka  kiwanda cha chanjo za wanyama cha Hester Biosciences  Afrika Limited ambacho ndio kinatengeneza chanjo hizo Ms. Chistine Sokoine wakati wa halfa ya kukabidhi chanjo katika Halmashauri ya Wilaya ya Kibaha pamoja na Bagamoyo.

 Mkurugenzi huyo amebainisha kwamba  wamefanikiwa kutoa chanjo hizo zipatazo dozi 178,000 ambazo ni za aina mbili ikiwemo za Homa ya Mapafu ya Ng’ombe (CBPP) na  Sotoka ya Mbuzi na Kondoo (PPR) ambazo zitatumika kuwachanja wanyama hao.

Aidha Mkurugenzi huyo amebainisha kwamba serikali ya awamu ya sita chini ya Rais Dr. Samia Suluhu Hassan imewapa dhamana kupitia kiwanda hicho ikiwa ni miongoni mwa viwanda vya ndani kuzalisha na kusambaza chanjo hizo katika kampeni ya kitaifa ya kuchanja mifugo dhidi ya magonjwa mbalimbali.

Ameongeza kwamba  zoezi la  usambazaji wa chanjo hizo limefanyika katika Halmashauri ya Wilaya ya Kibaha kwa  kukabidhi chanjo ya Mapafu ya Ng’ombe (CBPP) dozi zipatazo elfu 47,000 na ya Sotoka ya Mbuzi na Kondoo (PPR) dozi elfu 60,000.

Kadhalika Mkurugenzi huyo  ameongeza kuwa kwa upande wa Halmashauri ya Wilaya ya  Bagamoyo wameweza kukabidhi chanjo aina ya Mapafu ya Ng’ombe (CBPP) dozi zipatazo elfu 36,000 na ya Sotoka ya Mbuzi na Kondoo (PPR) dozi elfu 35,000 ambazo zimemetolewa na serikali ya Jamuhuri wa Muungano wa Tanzania kwa ajili ya kuwasaidia wafugaji kuchanja mifugo yao.

"Chanjo hizi ambazo tumeweza kuzisambaza katika Halmashauri ya Wilaya ya Kibaha pamoja na Halmashauri ya Bagamoyo jumla ni dozi 178,000 na kwamba utoaji wa chanjo hizi ni moja ya mgao wa chanjo katika kampeni ya kitaifa ambayo ipo chini ya serikali kupitia Wizara yake ya mifugo na uvuvi ili kuwasaidia wafugaji katika kuchanja mifugo yao na kuondokana na kutokomeza magonjwa mbali mbali,"amebainisha Mkurugenzi huyo.

Kwa upande  wake Mkurugenzi Mtendaji wa kiwanda hicho Ndg.Raj Gera amesema kwamba lengo lao kubwa kama wawekezaji ni kuendelea kushirikiana na serikali ya  Jamuhuri ya Muungano wa Tanzania katika kuhakikisha inawasaidia wafugaji kupata huduma ya uchanjaji wa mifugo yao kwa lengo la kuweza kudhibiti na kutokomeza magonjwa mbali mbali kwa wanyama.

Mkuu wa Idara ya kilimo,mifugo na uvuvi Halmashauri ya Wilaya ya Kibaha Ms. Evelyne Ngwira   wameishukuru sana serikali ya awamu ya sita kwa kuweza kuwapatia msaada wa chanjo kwa ajili ya mifugo mbali mbali ikiwemo, mbuzi, kondoo, ng'ombe, pamoja na mifugo mingine midogo midogo.

Naye Mkurugenzi mtendaji wa Halmashauri ya  Wilaya ya Kibaha Bi. Regina Bieda amemshukuru kwa dhati Rais wa awamu ya sita Dkt, Samia Suluhu Hassan kwa kuweza ktenga fedha nyingi kupitia Wizara ya mifugo na uvuvi ambazo zitakwenda kuwa ni mkombozi mkubwa wa wafugaji katika suala zima la kuwachanja wanyama wao na kuepukana na magonjwa mbali mbali.

Hivi karibuni Serikali imetenga kiasi cha shilingi bilioni 216  kwa ajili ya  utekelezaji wa mpango huo kwa kipindi cha miaka mitano kuanzia mwaka 2024 hadi mwaka 2029 ambapo  kiwanda cha Hester Biosciences Afrika Limited ni miongoni mwa viwanda vya ndani ambavyo vimepewa jukumu kwa ajili ya utengeenzaji wa chanjo hizo zinazotumika kwa wanyama wa aina mbalimbali kama mbuzi,kondoo,Ng'ombe na wanyama  wengine wadogo wadogo.

MAKAMU WA RAIS DKT.PHILIP MPANGO MGENI RASMI UZINDUZI WA MWENGE WA UHURU APRILI 2 MKOA WA PWANI

 

NA VICTOR MASANGU,PWANI 

MAKAMU wa Rais wa Jamhuri ya Muungano wa Tanzania, Dkt. Philip Isdor Mpango, anatarajiwa kuwa mgeni rasmi kwenye uzinduzi wa mbio za mwenge  kitaifa utakaofanyika katika viwanja vya shirika la Elimu Kibaha Mkoani Pwani, Aprli 02,2025.

Hayo yamebaishwa na  Waziri wa Nchi, Ofisi ya Waziri Mkuu, Kazi, Ajira na Wenye Ulemavu, Ridhiwani Kikwete wakati akitoa taarifa kwa waandishi wa habari baada ya kutembelea na  kukagua  maandalizi ya uzinduzi wa Mwenge wa uhuru ambapo ameridhishwa na maandalizi yalipofikia.

Alisema uzinduzi wa mbio za mwenge wa uhuru mwaka 2025 utakuwa Aprli 02 katika viwanja vya shirika la elimu kibaha na kwamba mgeni rasmi anatarajiwa kuwa Makamu wa Rais wa jamuuri ya muungano wa Tanzania Dk Philip Isdor Mpango.

Aidha alisema baada ya mbio hizo kuzinduliwa, mgeni huyo rasmi atawakabidhi viongozi sita wa mbio za mwenge walioandaliwa kutoka Tanzania bara na Tanzania visiwani jukumu la kukimbiza mwenge katika mikoa 31 yenye jumla ya halmashauri 195 kwa siku 195.

"Napenda kutoa taarifa kwa umma kuwa uzinduzi wa mbio za mwenge wa uhuru utakuwa 02, Aprli,2025 katika viwanja vya shirika la elimu Kibaha na mgeni rasmi atakuwa makamu wa Raisi wa Tanzania Dk. Phlip Isdory Mpango"alisena

Alisema mwenge wa uhuru utafanyakazi ya kuhamasisha amani, umoja, upendo na mshikamano wa kitaifa  sambamba na kuhimiza wananchi kushiriki shughuli za maendeleo ya kijamii na kiuchumi katika maeneo yao.

Alisema mwenge wa uhuru 2025  umebeba ujumbe "jitokeze kushiriki uchaguzi mkuu wa mwaka 2025 kwa amani na utulivu" na kwamba umelenga kuwaelimisha na kuwakumbusha wananchi wote kushiriki kikamilifu katika uchaguzi mkuu kwa amani na utulivu.

"Sambamba na ujumbe huo pia umelenga kuwaelimisha wananchi kupambana na maradhi yanayotishia ustawi wa watu wetu Ikiwemo UKIMWI,malaria  na kupambana na matumizi ya dawa za kulevya na vitendo vya rushwa"alisema

Mbali na hilo amesema maandalizi yamekwisha kamilika kwa zaidi ya aslimia 90 ambapo ametoa wito kwa wananchi wote wa mkoa wa pwani na mkoa jirani kujitokeza kwa wingi katika viwanja hivyo.

Kwa upande  wake Mkuu wa Mkoa wa Pwani Alhaji Abubakari Kunenge amebainisha kwamba maandalizi kwa sasa yamefikia kiwango cha asilimia zipatazo 96 na kwamba hali ya ulinzi na usalama umeimarishwa kila kona.

UWASHWAJI WA MWENGE WA UHURU KITAIFA PWANI MAMBO KUCHELE MAANDALIZI TAFIKIA ASILIMIA 96

 NA VICTOR MASANGU/PWANI 

Serikali Mkoani Pwani imesema kwamba maandalizi kwa ajili ya tukio kubwa la sherehe za uwashwaji wa Mwenge wa uhuru kitaifa yanakwenda vizuri na kwamba yamefikia kiwango cha asilimia 96 na kwamba unatarajiwa kuwashwa  rasmi April 2 mwaka huu katika viwanja  vya shirika la Elimu Kibaha.  

 

WAKAGUZI WA NDANI WALIA 'MABOSI' KUPUUZA USHAURI WAO

 NA ALBERT G.SENGO/MWANZA

Tabia ya baadhi ya wakuu wa taasisi na mashirika ya Serikali kupuuza mapendekezo ya wakaguzi wa ndani (Internal Auditors) imetajwa kuwa chanzo cha taasisi nyingi za Serikali kupata hati chafu kwenye Ripoti ya Mdhibiti na Mkaguzi Mkuu wa Hesabu za Serikali (CAG) kila mwaka. Tabia hiyo imebainishwa jana Jumatatu Machi 24, 2025 na rais wa Taasisi ya Ukaguzi wa Ndani ya Kimataifa nchini Tanzania (IIA), Dk Zelia Njeza wakati wa uzinduzi wa mkutano wa wakaguzi wa ndani unaofanyika kwa siku tano kuanzia Marchi 24 hadi Machi 28, 2025. Dk Njeza ambaye ni Mwenyekiti wa Bodi ya Taasisi ya Wakaguzi wa Ndani Tanzania, amesema wakaguzi wa ndani wamekuwa wakitekeleza majukumu yao kwa mujibu wa sheria, hata hivyo wamekuwa wakikumbana na vikwazo vya wakuu wa taasisi ama mashirika kutozingatia mapendekezo na ushauri.

MAAJIBU YA MASWALI MUHIMU KUIJUA TUME YA ULINZI WA TAARIFA BINAFSI ZIKIWEMO ADHABU KWA WATAKAO KAIDI

 NA ALBERT G.SENGO/MWANZA

Tume ya Ulinzi wa Taarifa Binafsi (PDPC) inaendeleza mkakati wake wa kutoa elimu kwa Umma kuhusu Dhana ya Ulinzi wa Taarifa Binafsi nchini kwa kuzungumza na waandishi wa habari waliopo jijini Mwanza. Akifungua semina ya siku moja ya waandishi wa habari jijini Mwanza Jumamosi, Machi 22, 2025 Mkurugenzi Mkuu wa PDPC, Dkt. Emmanuel Mkilia amewapa Waandishi wa Habari mbinu bora za kuzingatia ili wafanye kazi kwenye Maadili na Misingi ya Ulinzi wa Taarifa Binafsi nchini. Pia Dkt. Mkilia amejibu baadhi ya maswali muhimu yaliyoulizwa na waandishi wa habari ili yatumike kama msaada wa utoaji wa elimu kwa jamii. MASWALI 1. Jeh ni taasisi ngapi nchini Tanzania zinapaswa kujisajili, mpaka sasa taasisi ngapi zimejitokeza na hali iko vipi kwa mkoa wa Mwanza? 2. Mwisho wa kujisajili ni lini? 3. Kwanini watanzania wanapaswa kuwa na matumaini na Tume hii? 4. Jeh taasisi kubwa ni zipi na taasisi ndogo ni zipi? 5. Kwa ambao hawatakuwa wamejisajili baada ya muda wa usajili kupita ni adhabu gani watakazokutana nazo? 6. Tunaelekea katika duru za Uchaguzi Mkuu wa 2025 hapa nchini, nini rai yako kwa waandishi wa habari na wanasiasa katika kutimiza wajibu wao? 7. Jeh taasisi zinajisajili wapi na vipi? Mhandisi Stephen Wangwe ni Mkurugenzi wa usajili na uzingatiaji PDPC anatoa majibu. ........................................................................................................................ “Ili kuhakikisha kuwa mnazingatia maadili na Sheria ya Ulinzi wa Taarifa Binafsi ni muhimu kuzingatia mbinu bora zikowemo kujiridhisha na vyanzo vya habari kabla ya kuchapisha taarifa inayohusu mtu binafsi, hakikisheni kuwa chanzo ni sahihi na kinazingatia Sheria. Pia tumieni mifumo salama ya kuhifadhi na kusambaza taarifa ili kuhakikisha kuwa taarifa za watu hazivuji” amesema Dkt. Mkilia Tume ya Ulinzi wa Taarifa Binafsi nchini, ilianzishwa rasmi tarehe 01 Mei, 2023 kufuatia kupitishwa kwa Sheria ya Ulinzi wa Taarifa Binafsi Na. 11, 2022.

MSIGWA AKANUSHA TAARIFA ZA KURUDI CHADEMA.

 

Kada wa Chama Cha Mapinduzi (CCM), Peter Msigwa amekanusha vikali taarifa zilizosambaa mitandaoni zikidai kuwa amerejea katika chama chake cha zamani, Chama cha Demokrasia na Maendeleo (CHADEMA). 

Uvumi huo umeenea kwa kasi kupitia mitandao ya kijamii, lakini baadaye Mbunge huyo wa zamani wa Iringa Mjini, alizikanusha rasmi.

KUPITIA AKAUNTI YAKE YA X ALIANDIKA:-

"Puuzeni uvumi wowote unaotengenezwa na kuenezwa dhidi yangu kuhusu mustakabali wangu wa kisiasa. Hakuna mtu niliyemteua kuwa msemaji wangu kwa mambo ya kisiasa. Msijibebeshe majukumu ya kunisemea huku mkijua ninao uwezo wa kujisemea mwenyewe. Ni kijani, kijani, I’m here to stay."

Akizungumza na Nipashe Digital kwa njia ya simu, Msigwa amesisitiza kuwa hana mpango wa kurudi CHADEMA, na kudai kuwa taarifa hizo ni njama za wapinzani wake wa kisiasa wanaotaka kumchafua ndani ya Chama Cha Mapinduzi (CCM).

"Niliondoka nikiwa na akili yangu timamu, siwezi kurudi CHADEMA kamwe. Kile kilichosambazwa mitandaoni ni uzushi wa kutengeneza. Wanataka kuniharibia huku niliko," amesema Msigwa.

Alipoulizwa kama amewahi kuombwa kurejea CHADEMA, alikiri kupokea maombi kutoka kwa wanachama wa chama hicho, lakini akaweka wazi kuwa hatarudi.

"Ni kweli wanachama wa CHADEMA wananiomba sana nirejee, lakini siwezi kamwe kurudi tena huko," amesisitiza.

Hata hivyo, Msigwa amebainisha kuwa urafiki wake na Mwenyekiti wa CHADEMA Taifa, Tundu Lissu, utaendelea, lakini hilo halimaanishi kwamba atarejea kwenye chama hicho.

Mchungaji Msigwa alihama kutoka CHADEMA na kujiunga na CCM mwezi Juni mwaka jana.

SERIKALI YAJA NA MBINU KUWABANA MATAPELI WANAOTUMIA MAJINA YAWATU & TAARIFA ZAO BINAFSI KUJINUFAISHA

 NA ALBERT GSENGO/MWANZA

"Kupitia 'Jamii Portal' kila mwananchi anakuwa na urahisi wa kujuwa taarifa zake zimetumika wapi" "Jamii Portal ni application itakayo mruhusu kila mtu kuangalia taarifa zake zilitumika wapi, kwanini na jeh aliridhia au hakuridhia na kama taarifa zilitumika sehemu na hakuridhia basi atawasiliana na tume kutoa taarifa na hatua za kisheria kufuatwa ikiwa ni pamoja na uwajibishwaji" Dkt. Emmanuel Mkilia ni Mkurugenzi Mkuu wa Tume ya Ulinzi wa Taarifa Binafsi Tanzania (PDPC) ameyasema hayo wakati akifungua mkutano na semina ya Waandishi wa Habari jijini Mwanza ambapo tume hiyo imewaandalia ili kuwajengea uwezo juu ya majukumu ya tume hiyo nyeti.

WANAHABARI WATAKIWA KUZINGATIA SHERIA KURIPOTI TAARIFA BINAFSI

 

Mkurugenzi Mkuu wa Tume ya Ulinzi wa Taarifa Binafsi Tanzania (PDPC) Dkt. Emmanuel Mkilia amewataka waandishi wa habari kuzingatia sheria ya Tume hiyo katika kutoa taarifa binafsi za wananchi ili kulinda utu na faragha.

Dkt. Mkilia ametoa rai hiyo Jumamosi ya Machi 22, 2025 wakati akifungua mkutano na semina ya Waandishi wa Habari ambao tume hiyo imewaandalia ili kuwajengea uwezo juu ya majukumu ya tume hiyo nyeti.

Amesema, kuna madhara ya kijamii na hata kiuchumi endapo faragha za mtu zitazagaa bila ya ruhusa yake hivyo ni wasaa mzuri sasa wanahabari kufahamu sheria iliyoanzisha Tume hiyo na kuzingatia.

Ameongeza kuwa, pamoja na changamoto za kidigitali ambazo zinakuja kwa kasi Duniani kote bado wanahabari na wananchi wote wana wajibu wa kulinda siri za mtu ili kulinda utu wake pasipo kuathiri biashara ya kimtandao.

“Tumekuja Mwanza pamoja na mambo mengine tumekuja kuwajengea uwezo taasisi mbalimbali ili wapate uelewa wa sheria iliyoanzisha tume hii mwaka 2022 kwa sheria namba 11 na ikaanza kazi rasmi Mei 01, 2023 pamoja na uelewa wa ujumla wa ulinzi wa taarifa binafsi.” Dkt. Mkilia.

Akiwasilisha mada ya asili ya tume hiyo, Mhandisi Stephen Wangwe amebainisha kuwa Mkoa wa Mwanza upo chini kwa taasisi zake kujisajili kwenye mfumo wa tume hiyo na kwamba hali hiyo inatoa kiashairia kwamba Taarifa za watu bado haziko salama.

Semina hiyo imefanyika katika Ukumbi wa Ofisi ya Mkuu wa Mkoa wa Mwanza huku ikilenga kutoa fursa kujifunza na kujengeana ulewa wa kina jinsi ya kulinda faragha za watu katika kazi za habari.

TETE FOUNDATION YAGAWA MAHITAJI /VIFAA VYA SHULE KWA WANAFUNZI WALIOPO KATA YA MIONO,CHALINZE -PWANI KWA MWAKA 2025

 

TETE FOUNDATION kupitia mradi wake wa “TUNAAMINI KATIKA WEWE” wamekuwa wakigawa mahitaji/vifaa vya shule kwa watoto wanaoishi kwenye mazingira magumu na wenye uhitaji maalumu kwa kuhakikisha mtoto hakosi shule mwaka mzima kwa sababu ya kutokuwa na mahitaji ya shule (Sare za shule, madaftari, Begi, viatu n.k)......

Mradi huu wa “Tunaamini katika wewe” unao  dhaminiwa na Kampuni ya Reliance Insurance kwa takribani miaka mitatu sasa, umeongeza ufaulu wa watoto mashule na kupunguza utoro mashuleni 

Zoezi hili la ugawaji wa mahitaji ya shule ulienda sambamba na Bonanza la Michezo lililojumuisha shule za msingi na Sekondari zilizopo katika kata ya Miono lililokuwa na dhumuni la kuwaleta watoto pamoja ili kuweza kutambuana na kushirikiana kwenye masomo ili kukuza ufaulu mashuleni

Imetolewa na Afisa Habari

SAMIA MGENI RASMI UAPISHO RAIS MTEULE NAMIBIA.

 

Rais wa Jamhuri ya Muungano wa Tanzania Mhe. Samia Suluhu Hassan.

Rais Samia Suluhu Hassan, atakuwa mgeni rasmi katika sherehe za uapisho wa Rais mteule wa kwanza mwanamke wa Jamhuri ya Namibia, Netumbo Nandi-Ndaitwah, zitakazofanyika leo Machi 21,2025.

Rais Samia Suluhu Hassan, atakuwa mgeni rasmi katika sherehe za uapisho wa Rais mteule wa kwanza mwanamke wa Jamhuri ya Namibia, Netumbo Nandi-Ndaitwah, zitakazofanyika leo Machi 21,2025.

Kwa mujibu wa taarifa kwa vyombo vya habari iliyotolewa Mei 20,2025 na Kurugenzi ya Mawasiliano ya Rais, Ikulu, Rais. Samia atahutubia kwenye sherehe hizo za uapisho zitakazofanyika sambamba na Maadhimisho ya Miaka 35 ya Uhuru wa Namibia.

Aidha, taarifa hiyo imefafanua kuwa mahusiano baina ya Tanzania na Namibia ni ya kidugu na kihistoria ambayo yaliasisiwa na Hayati Julius Nyerere na Hayati Sam Nujoma kipindi cha harakati za ukombozi wa nchi za Kusini mwa bara la Afrika.

“Mahusiano haya yameendelea kukuzwa na kulelewa na Viongozi wote wakuu waliowafuatia katika nyanja mbali mbali,”imefafanua taarifa hiyo.

Kadhalika, mbali na kuhudhuria sherehe hizo Rais Samia atapata fursa ya kusalimiana na mwenyeji wake na kufanya mazungumzo ya kukuza na kuimarisha mahusiano.

“Kwa mara ya kwanza Namibia itapata Rais Mwanamke hivyo kufanya idadi ya Marais Wanawake barani Afrika kuwa wawili akiwemo Rais Samia,”imefafanua.

MRADI MKUBWA WA MAJI KATA YA PANGANI KUANZA RASMI UTEKELEZAJI APRIL 15 MWAKA 2025

 

VICTOR MASANGU, KIBAHA

Baadhi ya wananchi wa Kata ya Pangani ilyopo katika Halmashauri ya mji Kibaha mkoani Pwani wanatarajiwa kuondokana na changamoto ya ukosefu wa maji safi na salama baada ya serikali ya awamu ya sita inayoongozwa na Rais Dkt. Samia Suluhu Hassan kutenga kiasi cha shilingi bilioni 8.9 kwa ajili ya utekelezaji wa mradi mkubwa wa maji ambao utakwenda kuwa ni  mkombozi mkubwa kwa wananchi hao na maeneo mengine ya jirani.

Hayo yamebainishwa na Meneja wa Dawasa Wilaya ya Kibaha  Halfa Ambokile wakati  wa mkutano wa hadhara na wananchi wa kata ya Panagni ambao umendaliwa na Jumuiya ya umoja wa wanawake Wilaya ya Kibaha mji kwa lengo la kuweza kuzungumza na wananchi ikiwa pamoja na kusikiliza kero na chanagmoto zinazowakabili kwa ili kuweza kuzitafutia ufumbuzi ikiwemo suala la huduma ya maji katika eneo hilo.

Meneja huyo amesema kwamba  kwa sasa wameshaanza maandalizi kwa ajili ya kuanza utekelezaji wa mradi huo mkubwa ambao umegharimu kiasi cha shilingi bilioni 8.9 amabzo zimetolewa na serikali na kwamba wanatarajia kuanza rasmi zoezi zima la utekelezaji ifikapo Aprili 15 mwaka huu na kwamba mradi huo utaweza kusambaza maji katika mitaa ipatayo sita pamoja na maeneo mengine ya jirani.

"Kwa sasa tumeshaanza maandalizi kwa ajili ya ujenzi wa mradi mkubwa ambapo tunatarajiwa kujenga tanki kubwa lenye ujazo wa  milioni 6 amabapo mradi huo utekelezaji wake utatumia muda wa miezi nane hadi 12 kumalizika na baada ya hapo wananchi wataanza rasmi kupata huduma ya maji safi na salama katika mitaa saba ya kata ya Pangani ambayo iliyokuwa  badio haina huduma ya maji,"amesema Meneja huyo.

Kwa upande wake Mwenyekiti wa Umoja wa wanawake Wilaya ya Kibaha mjini Elina Mgonja amesema kwamba juhudi kubwa zimefanywa na Rais wa awamu ya sita Dkt. Samia Suluhu Hassa kwa kuweza  kutenga fedha mbali mbali ambazo zimekwenda kutekeleza miradi ya maendeleo katika kata ya pangani ikiwemo, afya, elimu, miundombinu na barabara pamoja na mradi mkubwa wa maji ambao utaweza kutatua kero na changamoto za wananchi hao.

Aidha Mgonja amemshukuru kwa dhati Mbunge  wa  Jimbo  la Kibaha  mjini Mhe: Silvestry Koka kwa kuweza kuwapambania wananchi wa kata hiyo katika suala la kuwaletea maendeleo katika nyanja mbali mbali ikiwa sambamba na kuweza  kusikiliza changamoto mbali mbali za wananchi na kuzitafutia ufumbuzi .  

Kwa upande wake Mwenyekiti wa serikali ya mtaa wa Pangani Jitihada Hussen amempongeza Rais wa awamu ya sita Dkt. Samia Suluhu Hassan kwa kuweza kutenga kiasi cha shilingi bilioni 8.9 kwa ajili ya kutekeleza mradi mkubwa wa maji ambao utakwenda kuondoa kabisa changamoto ambazo zilikuwa zinawakabili wananchi  kwa kipindi kirefu.

"Kwa kweli mimi kama mwenyekiti nampongeza kwa dhati  Rais wetu kwa juhudi zake za kutekeleza miradi mbali mbali ya maendeleo ikiwemo suala zima la kutuangalia wananchi wa Pangani kwa jicho la tatu kwa kutenga fedha hizo  kiasi cha shilingi bilioni 8.9 kwa ajili ya kutekeleza miradi mkiubwa ya maji ikiwa sambamba na Mbunge wetu wa Jimbo la Kibaha mjini kwa kusikiliza kero za wananchi,"alisema Mwenyekiti huyo.

Nao baadhi ya wananchi wa Kata ya Pangani hawakusita kumpongeza kwa dhati Mbunge wao wa Jimbo la Kibaha mjini kwa kuweza kuwa mstari mbele katika katika kuhakikisha anatekeleza ilani ya chama kwa vitendo ikiwa sambamba na kulivalia njuga suala la kuwepo kwa mradi mkubwa wa maji ambao utaweza kuwa mkombozi mkubwa kwa wananchi wa kata ya Pangani na maeneo ya jirani.

Kukamilika kwa mradi wa Pangani uliopo  katika Halmashauri ya Mji Kibaha, Mkoa wa Pwani unatarajiwa kuanza utekeezaji wake rasmi  kuanzia Aprili 15 mwaka huu  ambao utaweza kuondoa kero na chanagmoto ya upatikanaji wa maji safi na salama kwa baadhi ya  wananchi  ambao walikuwa wanakosa huduma hiyo kwa kipindi kirefu.