SASA MWANZA NI KILA KITU

SASA MWANZA NI KILA KITU

KARIBU KISIWA CHA RUBONDO

KARIBU KISIWA CHA RUBONDO

ZIMA KILA KITU ILA WASHA JEMBE FM 93.7 MWANZA

ZIMA KILA KITU ILA WASHA JEMBE FM 93.7 MWANZA

Saturday, January 14, 2017

MWANAMKE MMOJA ANASHIKILIWA NA JESHI LA POLISI KWA KOSA LA KUMPIGA MTOTO WAKE HADI KUFARIKI DUNIA WILAYANI ILEMELA.

TAARIFA YA JESHI LA POLISI MKOA WA MWANZA KWA VYOMBO
VYA HABARI LEO TAREHE 14.01.2017



·         MWANAMKE MMOJA ANASHIKILIWA NA JESHI LA POLISI KWA KOSA LA KUMPIGA MTOTO WAKE HADI KUFARIKI DUNIA WILAYANI ILEMELA.


KWAMBA TAREHE 11.01.2017 MAJIRA YA SAA 10:00HRS ASUBUHI KATIKA MTAA WA NSUMBA KATA YA KISEKE WILAYA YA ILEMELA JIJI NA MKOA WA MWANZA, MWANAMKE MMOJA ALIYEJULIKANA KWA JINA LA JOYCE MATHAYO MIAKA 33, MKAZI WA MTAA WA NSUMBA, ANASHIKILIWA NA JESHI LA POLISI KWA KOSA LA KUMPIGA FIMBO MTOTO WAKE AITWAYE MATHAYO MANIS MIAKA 12, MWANAFUNZI WA DARASA LA TATU SEHEMU MBALIMBALI ZA MWILI WAKE HADI KUFARIKI DUNIA KWA KOSA LA UTORO SHULENI KITENDO AMBACHO NI KOSA LA JINAI.

INADAIWA KUWA SIKU YA TAREHE TAJWA HAPO JUU MAREHEMU ALIMKATALIA MAMA YAKE KWENDA SHULE AKIDAI KUWA YEYE HATAKI TENA SHULE, NDIPO MAMA YAKE ALIPATWA NA HASIRA NA KUAMUA KUMPA ADHABU YA KUMCHAPA FIMBO SEHEMU MBALIMBALI ZA MWILI WAKE, NDIPO GHAFLA ALIBADILIKA HALI YAKE YA AFYA NA KUFARIKI DUNIA MUDA MCHACHE BAADAE, WANANCHI WALITOA TAARIFA POLISI KUHUSIANA NA TUKIO HILO, ASKARI WALIFIKA MAPEMA ENEO LA TUKIO NA KUFANIKIWA KUMKAMATA MTUHUMIWA.
MTUHUMIWA YUPO KATIKA MAHOJIANO NA JESHI LA POLISI, PINDI UCHUNGUZI UKIKAMILIKA ATAFIKISHWA MAHAKAMANI, MWILI WA MAREHEMU UMEFANYIWA UCHUNGUZI NA DAKTARI HOSPITALI YA MKOA WA SEKOU TOURE TAYARI KUKABIDHIWA KWA NDUGU WA MAREHEMU KWA AJILI YA MAZISHI.

KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WAZAZI/ WALEZI AKIWATAKA WAWALEE WATOTO WAO KATIKA MAADILI MEMA NA NIDHAMU HUKU WAKIWAELIMISHA MAMBO MAZURI NI YAPI NA MABAYA, ILI KUEPUSHA ADHABU ZA VIPIGO KWA MTOTO PINDI ANAPOKOSEA ZITAKAZO PELEKEA MAJERA AU VIFO KAMA TUKIO HILI LILILOTOKEA KITENDO AMBACHO NI KOSA LA JINAI.

 ·         WATU WATATU WANASHIKILIWA NA JESHI LA POLISI KWA KOSA LA KUFANYA UHALIFU WA NJIA YA MTANDAO WILAYANI ILEMELA

MNAMO TAREHE 11.01.2017 MAJIRA YA 17:00HRS JIONI KATIKA HOTELI IITWAYO KINGDOM HOTEL ILIYOPO ENEO LA KONA YA BWIRU WILAYA YA ILEMELA MKOA WA MWANZA, WATU WATATU WANAWAKE WAWILI NA MWANAUME MMOJA WALIOJULIKANA KWA MAJINA YA 1. EVELIN SILYVESTER MIAKA 39 MKAZI WA TABATA DAR ES SALAAM, MRANGI, 2.BEATRICE MATABA, MIAKA 36, MKEREWE MKAZI WA TABATA DAR ES SALAAM, NA 3.FITINA MILCHAEDES MIAKA 42, MUHA, MWANAMUME NA MKAZI WA BUSERESERE MKOANI GEITA, WOTE WAFANYA BIASHARA, WANASHIKILIA NA JESHI LA POLISI KWA KOSA LA KUFANYA UHALIFU KWA NJIA YA MTANDAO KWA KUTOA HUNDI HEWA KWA WAFANYABIASHARA WENYE MADUKA MAKUBWA NA MAKAMPUNI HAPA JIJINI MWANZA KITENDO AMBACHO NI KOSA LA JINAI.

AWALI POLISI WALIPOKEA TAARIFA ZA KIINTELEJENSIA JUU YA UWEPO WA WATU HAPA JIJINI MWANZA WANAOFANYA UHALIFU KWA NJIA YA MTANDAO KWA KUTOA HUNDI HEWA KWA WAFANYA BIASHARA WENYE MADUKA MAKUBWA NA MAKAMPUNI NA KUCHUKUA BIDHAA ZAO KISHA KUZIHIFADHI KATIKA STOO YAO NA BAADAE KUZIUZA.

ASKARI WALIFANYA UPELELEZI KUHUSIANA NA TAARIFA HIZO NA KUFANIKIWA KUWAKATA WATUHUMIWA WOTE WATATU KATIKA HOTELI TAJWA HAPO JUU, AIDHA KATIKA MAHOJIANO NA ASKARI WATUHUMIWA WALIKIRI KUHUSIKA KATIKA UHALIFU HUO WA MTANDAO KISHA WAKAWAPELEKA ASKARI KWEYE STOO ZAO ZILIZOPO MAENEO YA NYAMANORO WILAYANI IELEMELA AMBAPO ZILIKUTWA BIDHAA MBALIMBALI AMBAZO NI MABATI BUNDLE 20 ZA GEJI 30 YENYE THAMANI YA TSH 9,600,000/=, KATONI 75 ZA SABUNI YA UNGA AINA YA KLEED YENYE THAMANI YA TSH 6,200,000/=, PAMOJA NA MAFUTA YA KUJIPAKA AMBAYO THAMANI YAKE BADO HAIJAFAHAMIKA.

POLISI WANAENDELEA NA UPELELEZI ILI KUPATA MTANDAO WA WAHALIFU HAWA  LAKINI PIA MAHOJIANO NA WATUHUMIWA AMBAO TAYARI WAMEKAMATWA KWANI UCHUNGUZI WA AWALI UNAONESHA WATUHUMIWA WAMEFANYA UHALIFU WA AINA KAMA HII MKOANI GEITA, MOROGORO NA MAENEO MENGINE, PINDI UCHUNGUZI UKIKAMILIKA WATUHUMIWA WATAFIKISHWA MAHAKAMANI ILI HATUA STAHIKI ZA KISHERIA ZIWEZE KUCHUKULIWA DHIDI YAO.

KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WAKAZI WA JIJI NA MKOA WA MWANZA AKIWATAKA KUENDELEA KUTOA USHIRIKIANO KWA JESHI LA POLISI ILI WAHALIFU WAWEZE KUKAMTWA MAPEMA KABLA MADHARA MAKUBWA HAYAJATOKEA KWA WANANCHI, LAKINI PIA ANAWATAKA WAMILIKI WA NYUMBA ZA WAGENI KUTOA TAARIFA POLISI PINDI WANAPOPOKEA WAGENI AMBAO WANAWATILIA MASHAKA. AIDHA ANAWAKUMBUSHA WAFANYA BIASHARA KUWA MAKINI NA WAHALIFU WA AINA KAMA HII AMBAO WAMEJITOKEZA KATIKA MKOA WETU WA MWANZA.
IMETOLEWA NA,
DCP: AHMED MSANGI

KAMANDA WA POLISI (M) MWANZA

Tupe maoni yako

0 comments:

Post a Comment

Note: Only a member of this blog may post a comment.