MASHINDANO YA UMISSETA WILAYA YA ILEMELA YAZINDULIWA RASMI

Aritaf Mansoor aka Dogo ambaye ndiye mgeni rasmi wa Ufunguzi wa Mashindani ya UMISSETA wilaya ya Ilemela akisoma hotuba yake ya uzinduzi wa michuano hiyo jana katika viwanja vya shule ya sekondari Bwiru jijini Mwanza.

Jumuiko lililofika viwanja vya shule za Sekondari Bwiru (wavulana na wasichana) kushuhudia uzinduzi.

 Mashindano ya UMISSETA ngazi ya wilaya yameanza rasmi jana katika viwanja vya shule za sekondari Bwiru (Wavulana na Wasichana).

Mashindano hayo ni hatua ya nusu fainali na fainali katika ngazi ya wilaya kwani ngazi ya awali yalifanyika na kuunda timu ya kanda.

Wilaya ya Ilemela ina jumla ya kanda 4 zinazoshiriki ambazo ni Bwiru, Buswelu, Buhongwa na Pasiansi.

Michezo inayoshindanishwa ni soka, kikapu, mikono, riadha, wavu, table tenis kwa wavulana na wasichana, bao kwa wavulana na netiboli kwa wasichana.

Juma Kasandiko Afisa Elimu ya manispaa akizungumza na wadau wa michezo katika ufunguzi wa Michuano ya UMISSETA wilaya ya Ilemela mkoani Mwanza.

Mdau wa Michezo mkoa wa Mwanza ambaye vilevile ni Mkurugenzi wa TSC Mutani Yangwe, alichangia mipira minne ili kuboresha michuano ya UMISSETA Wilaya ya Ilemela.

Kikao cha kupanga mikakati ya mafanikio kwa michezo kwa ujumla.

Tupe maoni yako