SASA MWANZA NI KILA KITU

SASA MWANZA NI KILA KITU

KARIBU KISIWA CHA RUBONDO

KARIBU KISIWA CHA RUBONDO

ZIMA KILA KITU ILA WASHA JEMBE FM 93.7 MWANZA

ZIMA KILA KITU ILA WASHA JEMBE FM 93.7 MWANZA

Saturday, December 25, 2010

BENKI YA FBME TAWI LA MWANZA YATOA ZAWADI YA X-MASS KWA KITUO CHA WATOTO WAISHIO MAZINGIRA MAGUMU MWANZA.

Katika kuitikia wito wa Clouds fm (X-MASS ZAWADI)wa kusaidia watoto wanaoishi katika mazingira magumu na kuwawezesha kutabasamu hasa katika kipindi kama hiki cha kusherehekea kumbukumbu ya kuzaliwa masia Yesu Kristo, Benki yako ya FBME kupitia tawi lake la Mwanza jana jioni imetoa zawadi ya krismasi na mwaka mpya kwa kituo cha watoto wanaoishi mazingira magumu cha 'Back Home Upendo Daima' kilichopo Lumala wilayani Ilemela jijini Mwanza.

Afisa wa FBME BANK bwana Alawi Mdee akikabidhi sabuni kwa mlezi wa kituo cha 'Back Home Upendo Daima' Sister Monica.

Marry X-mass; Zawadi za mchele, mafuta, sabuni, chumvi, unga, sukari, unga wa ngano yaaaani....Ni tabasamu tu na vicheko kwa watoto!....AKSANTE FBME BANK!!!

Chakufurahisha Watoto hawa wamefundishwa kusaidiana na kuishi kwa upendo wa kumjua mungu, hivyo kila wanachokifanya wanafanya pamoja wakisaidiana kama ndugu wa tumbo moja.

Wadau wa FBME BANK walipata pia fursa ya kutembelea vyumba wanapolala watoto hao.

Ni vitanda vya juu na chini twaita Double deka vyenye kutosha watoto wote 30 wa kituo hiki, kila mtoto na kitanda chake. Nawapa shavu uongozi wa kituo hiki kwa kuwa na mazingira mazuri yenye kuzingatia usafi kama wa nyumbani kwa baba na mama.

Kuishi kunahitaji misingi bora na kanuni, si kwa mkubwa tu bali hata kwa mdogo.

Mama mlezi wa kituo hiki Anna Malima, akitoa maelezo jinsi watoto wanavyoishi na malezi kwa wadau wa FBME tawi la Mwanza.

Mlezi wa wa kituo cha 'Back Home Upendo Daima' sister Monica ametoa shukurani kwa benki ya FBME kwa msaada huo wa zawadi ya X-mass kwani ni nafasi inayowafanya watoto kama hao wajisikie vyema zaidi na kujiona nao ni sehemu katika jamii, aidha amewataka watu na mashirika mengine kuiga mfano huo wa FBME kwani watoto kama hao ni Watoto wetu sisi sote.

Friday, December 24, 2010

POULSEN SAFARINI, KOCHA MSAIDIZI SLYVESTER MASH ATANGAZA KIKOSI KIPYA STARS KITAKACHO KIPIGA MICHUANO YA NILE.

KOCHA msaidizi wa timu ya taifa ya Tanzania (taifa stars) Silvester Marsh kwaniaba ya kocha mkuu wa timu hiyo Jan poulsen (aliye mapumzikoni kwao Norway) amekitaja kikosi cha wachezaji 23 wa timu hiyo kitakachoshiriki michuano ya kombe la Nile basin mashindano yanayotaraji kuanza kutimua vumbi rasmi tarehe 5 january 2011 nchini Misri.Tofauti na wengi tulivyozoea, Tukio hilo limefanyika leo katika eneo la wazi la uwanja wa Nyamagana jijini Mwanza ambapo kocha huyo msaidizi yuko ziarani kwa ajili ya shughuli maalum huku likishuhudiwa na Viongozi mbalimbali wa soka waandishi wa habari na wapenzi wa soka wa jiji la miamba.

KIKOSI KAMILI NI KAMA IFUATAVYO
GOALKEEPERS:-
1.JUMA KASEJA - SIMBA SC
2.SHAHBAN KADO -MTIBWA FC
3.SAID MOHAMED - MAJIMAJI SC

DEFENDERS:-
4.SHADRACK NSAJIGWA - YOUNG AFRICAN
5.MWASIKA STEPHANO - YOUNG AFRICAN
6.AGREY MORRIS - AZAM FC
7.KELVIN YONDANI - SIMBA SC
8.JUMA NYOSSO - SIMBA SC
9.NADIR HAROUB - YOUNG AFRICAN

MIDFIELDELS:-
10.IDRISSA RAJABU - SOFAPAKA
11.NURDIN BAKARI - YOUNG AFRICAN
12.SHAHBAN NDITI - MTIBWA FC
13.HANRY JOSEPH - NORWAY
14.JABIR AZIZ - AZAM
15.ABDI KASSIM - YOUNG AFRICAN

FOWARD PLAYERS
16.SALUM MACHAKU - MTIBWA FC
17.MRISHO NGASA - AZAM
18.NIZAR KHALFAN - CANADA
19.GODFREY TAITA - KAGERA SUGAR
20.ATHUMAN MACHUPPA - SWEDEN
21.JERRY TEGETE - YOUNG AFRICAN
22.SAID MAULID - ANGOLA
23.ALI AHMED SHIBOLI - SIMBA SC

Kocha huyo msaidizi amesema kuwa mazoezi ya Stars yataanza rasmi siku ya jumatatu ambapo kambi itakuwa uwanja wa karume jijini dar na tarehe 3jan 2011 wataanza safari kuelekea Misri. Tarehe 5jan2011 Stars kufungua na wenyeji. Wachezaji kama Erasto Nyoni, Mohamed Banka na Haruna Shamte hawajaachwa kutokana na viwango vyao kushuka bali ni kutokana na kuwa majeruhi. Kuhusu suala la kuwarejesha kikosini Machupa na Said Maulid Kocha Marsh amesema kuwa uamuzi huo umekuja kutokana na wachezaji hao kujaa uwezo kwa michezo ngazi za kimataifa.

Kocha Marsh Anauhakika na kikosi hicho alichokitaja kuwa cha ushindi akiwa na imani kubwa kuwa kila mchezaji atacheza kwa bidii na hatimaye kulipandisha soka la Tanzania katika viwango vya soka duniani.

TANZANIA TENA GIZANI.

TANESCO YATANGAZA MGAO WA UMEME NCHI NZIMA.
SHIRIKA la Umeme (Tanesco) juzi lilitangaza mgawo mpya na mkubwa wa nishati hiyo ambao utavifanya viwanda, maduka, ofisi na makazi kukosa umeme kwa kati ya masaa sita hadi 12 kwa muda wa mwezi mzima.Tangazo hilo la mgawo ambalo limekuja katika kipindi ambacho mjadala wa jenereta za kampuni ya Dowans ukiwa umeibuka tena, linatarajiwa kuongeza gharama za maisha kutokana na ukweli kuwa viwanda vingi vitalazimika kutumia jenereta katika uzalishaji licha ya Tanesco kutangaza kuwa vitapewa umeme nyakati za mchana. Tangazo la Tanesco limetolewa wakati kukiwa na ahadi kemkem za kumaliza kabisa tatizo la mgawo wa umeme, huku Mamlaka ya Udhibiti wa Nishati na Maji (Ewura) ikiwa imeliruhusu shirika hilo la umma kuongeza bei ya umeme kwa asilimia 18.5. "Mgawo utahusisha mikoa yote iliyounganishwa kwenye gridi ya taifa isipokuwa mikoa ya Ruvuma, Rukwa, Kigoma, Lindi na Mtwara." Kwa mujibu wa Badra Masoud, mgawo wa sasa umetokana na upungufu wa umeme uliojitokeza baada ya moja ya visima vinavyozalisha gesi vya kampuni ya Pan African Energy, kuzimwa. Alisema kisima hicho kinachotoa gesi kimezimwa kwa ajili ya kukifanyia matengenezo ya kawaida, hivyo kusababisha upungufu wa megawati 40 za umeme zinazokwenda katika gridi ya taifa. Pan African Energy ni kampuni ambayo inachimba gesi hiyo eneo la Songo Songo, Kilwa na baadaye husafishwa na kusafirishwa na kampuni ya Songas ambayo huzalisha umeme wa megawati 180 eneo la Ubungo na kuiuzia Tanesco. Kwa mujibu wa makubaliano, Songas hutakiwa kuzalisha umeme kwa kiwango kilicho kwenye mkataba na ni jukumu la Tanesco kuutumia umeme huo wa gesi kulingana na mahitaji yake au kutoutumia. Tanesco huilipa Songas hata pale inapokuwa haitumii umeme wa kampuni hiyo.Badra alisema kuwa kiwango hicho cha upungufu wa umeme kinaweza kuongezeka hadi kufikia megawati 120 jambo alilosema likitokea, shirikma hilo litazidisha mgawo.
Alieleza kuwa mgawo huo utaanzia saa 2:00 asubuhi hadi saa 12:00 jioni katika baadhi ya maeneo huku maeneo yaliyopata umeme katika muda huo yakiukosa kuanzia saa 12:00 jioni hadi saa 5:00 usiku mara tatu kwa wiki. Kwa mujibu wa Badra, ratiba ya mgawo huo zitatangazwa katika magazeti na vyombo vingine vya habari. Hata hivyo, alisema baadhi ya maeneo hayatakumbwa na mgawo huo akitaja baadhi kuwa ni hospitali, pampu za maji, migodi na viwandani ambako alisema vitakosa umeme usiku ili mchana viendelee kuzalisha. Alisema kuwa maeneo yanayopata umeme kutoka transoma ya Kipawa hawatakumbwa na mgawo huo, kutokana na kukamilika kwa matengenezo yake. Akizungumzia siku kuu za Krisimasi na Mwaka Mpya, Badra alisema Tanesco itajitahidi kuhakikisha wananchi wanasherehekea siku hizo bila kukosa umeme huku akiwaomba radhi kwa mgawo huo.

Thursday, December 23, 2010

"JEMA NI MALI KULIKO..........."

NIMEKUTANA NA BANGO HILI ASUBUHI YA LEO NIKAKUMBUKA MPANGO MWEMA UNAOENDELEA SASA WA CLOUDS FM JUU YA KUWAJALI WATOTO WAISHIO MAZINGIRA MAGUMU + X.MASS ZAWADI.AT THE SAME TIME - NIKAMKUMBUKA NDUGU YANGU fadhilimshairi.blogspot.com
NA KATIKA MOJA YA MASHAIRI YAKE (TENDA WEMA) ALIANDIKA.

Kuna wengi walimwengu, kujaa dunia nzima,
Muumba ni yeye Mungu, kila moja na karama,
Wenye maisha machungu, huhitaji tendwa mema,
Tenda wema nenda zako.

Wale walio shidani, kamwe sije watupa,
Waondoe majonzini, usijaribu wakwepa,
Wafanye was'ende chini, maisha wakaogopa,
Tenda wema nenda zako.

Wale walio na njaa, usisite kuwalisha,
Waso nguo za kuvaa, ukapate kuwavisha,
Waliokata tamaa, imani kuwahuisha,
Tenda wema nenda zako.

TAARIFA KWA VYOMBO VYA HABARI.

Wizara ya Mambo ya Nje na Ushirikiano wa Kimataifa inafuatilia kwa ukaribu taarifa kuhusu uamuzi wa Mahakama ya Southwark mjini London, Uingereza kuiamuru Kampuni ya BAE Systems ya Uingereza kulipa faini ya Paundi za kiingereza laki tano 500,000 kwa kushindwa kuweka kumbukumbu sahihi za kihasibu kuhusu fedha zilizolipwa na kampuni ya BAE Systems kwa Mfanyabiashara Shailesh Vithlani wa Tanzania miaka mitano iliyopita.

Serikali ya Tanzania,kupitia Ubalozi wetu nchini Uingereza imeomba taarifa rasmi kutoka Serikali ya Uingereza kuhusu uamuzi huo. Serikali inasubiri kwa hamu kubwa kurejeshwa kwa bakaa ya Dola Milioni 30 za Kimarekani kama ilivyokuwa katika makubaliano kati ya Idara ya Serious Fraud (SFO) na Kampuni ya BAE Systems baada ya kuondoa faini ya kiasi cha Paundi Laki tano za Kiingereza ambazo kampuni ya BAE Systems imeamuriwa kuilipa Mahakama ya Southwark mjini London.

Mara baada ya kupata taarifa rasmi, Serikali ta Tanzania itachukua hatua muafaka ikiwa ni pamoja ni pamoja na urejeshwaji wa kiasi cha fedha kinachotakiwa kurejeshwa Tanzania kulingana na makubaliano kati ya SFO na Kampuni ya BAE Systems.

Imetolewa na Wizara ya Mambo ya Nje na Ushirikiano wa Kimataifa.

22 Desemba, 2010

Wednesday, December 22, 2010

PILIKAPILIKA MAANDALIZI YA SIKUKUU ZA X MASS & MWAKA MPYA KWETU HOME 'ROCK CITY'

Kwa wauza viungo vya pilau Vikumbo mbona kawaida tu! Hapa ni mchuuzi aliyepanga pembezoni mwa njia soko la kirumba.

Mwisho wa msimu huu ndiyo mwanzo wa msimu wa masuala ya skonga.

Kwa kawaida hapa nchini, msimu kama huu mitaa mingi hasa ile ya biashara, town kati na sokoni imekuwa ikitawaliwa na shamrashamra tofauti. Huyu peke yake, yule na familia almuradi manunuzi bin manunuzi.

Wadadaz wakichagua vya mtoko maeneo ya nje soko kuu Mwanza.

Kwenye vichochoro nako kuta zinapuputika, eti kisa lugha gongana.

Hapa ni Ndani ya maduka ya jengo la biashara stendi ya zamani Tanganyika basi, kama ujuavyo maandalizi ya sikukuu huanzia katika mavazi sekta korofi kulizo zote.....

Misele au biashara?

Ndani ya mtaa maarufu wa makoroboi nako mishemishe nibaraa! Madukani nako kutokana na msongamano joto mtindo mmoja ingawa mvua yanyesha.

Mtaa wa msikiti wa Ijumaa na hali yake leo, huyu anasaka nguo yule mafuta.

UTALII MWANZA NA TANAPA.

Karibu ROCK CITY.

Saanane island National park was namen after Mzee Saanane Chawandi who was then the owner of the island. It was established as the first Zoo in Tanzania in 1964. Its main objectives were firstly to promote interest and conservation education in Wildlife, secondly was to promote recreation to the people of Mwanza town. Between 1964 and 1966 different species of Wild animals were ferried to the Island. KARIBU SAANANE ISLAND.

AFRICAN FURNITURE.
Zana hizi za ndani zilizotengenezwa kwa miti huku zikiwa namvuto wakipekee zinapatikana katika ofisi za Tanapa barabara ya kuelekea Hotel Tilapia na Yatch Club Mwanza.

Fuvu la kuro / buck skull.

Fuvu la Tembo / Savanna Elephant skull, life span 67yrs.

Yote haya yamefanyika na kuwa na mwonekano huu mzuri wa kisasa kutokana na Serikali kwa kushirikiana na Shirika la Hifadhi za taifa TANAPA, kukamilisha mchakato wa kuipandisha hadhi hifadhi hii ya kisiwa cha SAANANE iliyoko ndani ya ziwa victoria Jijini Mwanza, kutoka kuwa pori la akiba hadi kuwa Hifadhi kamili.

Kukamilika kwa mchakato huo, kumeiwezesha hifadhi hii kuwa ya kipekee hapa nchini kwa kuvuta idadi kubwa ya watalii wa ndani ambao hadi sasa wanazidi wale wa nje kwa asilimia 90, kwani kila siku hasa za jumapili wabongo wamekuwa wakidondoka katika eneo husika.


MORE PIX.....

Tuesday, December 21, 2010

SAFARI YA MWISHO YA AFISA AFYA WA JIJI LA MWANZA PASTORY SHILEWA.

Tarehe 14 mwezi Dec 2010 hakika ilikuwa siku ya huzuni si tu kwa familia ya Shilewa bali hata jiji la Mwanza kwa ujumla, Huzuni ilikuja mara baada ya kuondokewa na Afisa afya wake Pastory Shilewa al-maarufu kwa jina la 'MR. CHAKULA' aliyefariki dunia kwa maradhi ya figo yaliyokuwa yakimsumbua kwa muda mrefu.MAREHEMU PASTORY SHILEWA.
Ni jamaa aliyehusika na kushiriki kikamilifu kuhakikisha jiji la mwanza linakuwa na utamaduni wa usafi kaya kwa kaya, mtaa kwa mtaa, kitongoji kwa kitongoji hali iliyopelekea jiji kutunukiwa mfululizo TUZO mbalimbali za usafi kitaifa na kwa Afrika Mashariki.

Mama wa Shilewa akiweka udongo kwenye kaburi la marehemu Pastory ambaye ndiye alikuwa mtoto wake wa kwanza.

Mke wa marehemu Teopista William Dodoma akiweka shada la maua kwenye kaburi la mumewe.

Dada wa marehemu Pastory Shilewa wakiweka shada la maua katika kukamilisha mazishi yaliyofanyika kijiji cha mtakuja Wilayani Sengerema, ijumaa ya tarehe 17.december.2010

Wawakilishi kutoka ofisi ya jiji aliyokuwa akifanya kazi marehemu wakiweka shada la maua kwenye kaburi la marehemu Pastory Shilewa.

Katika picha ya pamoja, kutoka kushoto ni Monika Shilewa (dada wa marehemu), Grace Shilewa (dada wa marehemu), Mama Shilewa na ndugu wengine.

Wakifarijiana kwa kuondokewa na kipenzi chao, pichani kutoka kulia ni Mama Shilewa (mama wa marehemu), kwa ukaribu na Teopista William Dodoma ambaye ni mke wa marehemu na mwisho ni dada yake mke wa marehemu.

Baadhi ya watoto wa marehemu katika picha ya kumbukumbu pamoja na shangazi yao Monica (wa 3kulia). Marehemu Pastory alizaliwa mnamo tarehe 5 agust 1961 ameacha watoto 8 na mjane.

Monday, December 20, 2010

HAPA NA KULEee!...! 'PEPESA MACHO NDUGU'

SHERATON Ni basi la kuvuka maji toka Rock City kuelekea wilaya za Sengerema na Geita, Mwanangu Mwenyewe Dijalo Warungu nakati ya TBC1 'UMESOMEKA'.

Nashauri sana ndugu zangu tunaojumuika katika vinywaji vyenye chachu hatuna haja kukimbilia vinywaji vya asili visivyo na viwango vinavyoweza kuchakachua afya zetu, kuna kinywaji safi toka TBL kilicho thibitishwa na shirika la viwango TBS. Kileo kinaitwa NZAGAMBA kina kilevi asilimia 4.5%, ujazo lita 1, viambata maji, unga wa mahindi meupe, mtama mwekundu na tindikali ya chakula. bei ni shilingi za madafu 700/= tu! PIGA ZAKO 3 'baridi' BIASHARA 'kwishni' KAMA ULAYA VILE.



Kipitashoto kikuu cha Wilaya ya Sengerema.

Utalii wa ndani kwa ndani.

Daraja kutoka kijiji cha Issena kuelekea kitongoji cha mtakuja wilayani Sengerema limekuwepo tangu Uhuru wa Tanganyika.

Msimu wa sikukuu hapa na msimu wa matunda hapa! pichani ni magunia ya maembe njiani wilayani Sengerema. Bei kwa gunia sijui sikumkuta mwenye mali kwani yalikuwa kama yametelekezwa hivi.. Unaambiwa hayaibiwi ingawa hakuna ulinzi.

'Msimu wa sikukuu ndo huu' hata kama kwa wengine imekuwa kama chai kuipata asubuhi, Tamaduni za Kitaani kwetu aka 'uswazi' ziko pale pale! na hazikamiliki bila kupiga mnuso. Pichani mzee Ismail wa Imalaseko supermarket Mwanza akipanga viroba vya mchele kwa oda ya mteja.

HAFLA YA MAKABIDHIANO YA MAJUKUMU KUTOKA BARAZA LA HABARI TANZANIA KWENDA UTPC, YAFANYIKA LEO NYUMBANI HOTEL MWANZA.

Umoja wa klabu za waandishi wa habari Tanzania (UTPC) leo umekabidhiwa rasmi majukumu ya kuendesha mradi wa klabu za Waandishi wa habari ambao awali ulikuwa ukiendeshwa na baraza la Habari Tanzania (MCT).KULIA NI RAIS WA UTPC KENNETH SIMBAYA AKIPOKEA VITENDEA KAZI TOKA KWA KATIBU MTENDAJI WA MCT BW. KAJUBI MUKANGA.
Makabidhiano hayo ambayo yamefanyika leo katika ukumbi wa Nyumbani Hotel mjini Mwanza yalianza kwa maelezo mafupi kutoka kwa meneja mpango wa baraza la Habari Tanzania Bi. Pili Mtambalike ambaye aligusia matatizo yaliyochangia kukwamisha harakati kadhaa za maendeleo ya chama kwa kipindi kilichopita.

PILI MTAMBALIKE MENEJA PROGRAM WA MCT.
Meneja huyo ameyataja matatizo hayo kuwa ni tatizo la fedha kwa wanachama kutolipa ada kwa muda muafaka, waandishi kukosa weledi wa majukumu yao na migongano ya kiuongozi kati ya waandishi na waandishi.

RAIS WA UTPC KENNETH SIMBAYA AKIONESHA NYENZO ALIZO KABIDHIWA.
Rais wa Umoja wa klabu za waandishi wa habari nchini (UTPC) Bwana. Keneth Simbaya amesema kuwa jukumu kubwa walilonalo wanachama ni kujenga umoja endelevu kwa waandishi wa habari nchini kwa kila wanachama kufanya kazi kwa ufanisi na kiwango cha hali ya juu hivyo kuleta taswira ambayo jamii inahitaji kufikia kimaendeleo

Naye katibu mtendaji wa MCT Kajubi Mukajanga ameyataja mambo yanayodhamiriwa kufanyika ndani ya mpango huo wa makabidhiano kuwa ni kuweka misingi ya kidemokrasia katk utawala, kuweka mifumo ya menejimenti ya bodi, vilevile kuweka kanuni za utendaji wa bodi ili kutoa fursa kwa kila mwanachama aweze kutenda kazi kwa mujibu wa kanuni.

WANACHAMA WA UTPC MKUTANONI.Kulia ni mwenyekiti chama cha waandishi wa habari mkoa wa Ruvuma bw. Juma Nyumayo ambaye vilevile ni Mwenyekiti wa kamati ya maadili UTPC akiwa bize' mkutanoni.

KUTOKA KUSHOTO WALIOKETI NI;John Nguya (meneja wa fedha MCT), Zilipa Joseph (makamu wa rais), Pili Mtambalike (meneja programu), kajubi Mukanga (katibu mtendaji MCT), Kenneth Simbaya (rais UTPC)na Jackob Kambili (kaimu mkurugenzi mtendaji wa UTPC-MWANZA). Waliosimama ni bodi ya UTPC.

Katika miaka sita ya uongozi wake kwa waandishi, Baraza la habari Tanzania (MCT) linajivunia kuwa na uwakilishi wa vyama vya waandishi wa habari kwa kila mkoa nchini, vyama vyenye kuweza kuweza kujiendesha vyenyewe na hatimaye leo Baraza hilo linakabidhi mradi kwa klabu za waandishi wenyewe.